نه‌شێم ستایلێ خوه بكه‌مه یێ ده‌واتان
ئه‌ڤرۆ، هه‌رهین محه‌مه‌د:
سترانبێژ (سه‌باح حه‌سه‌ن زاخۆیی) د دیداره‌كێ دا بۆ رۆژناما ئه‌ڤرۆ دیاركر كو نوكه ئه‌و مژوولی چێكرنا كلیپه‌كێ یه ب ناڤێ (ئه‌سمه‌را من) ژ په‌یڤ و ئاوازێن وی بخوه‌نه و دێ هێته كلیپكرن.
سه‌باحی گۆت: د سترانگۆتنێ دا زارڤه‌كرنا چ سترانبێژان ناكه‌م، ئانكو وه‌كو خوه سترانان دبێژم و راسته گه‌له‌ك سترانبێژ هه‌نه زارڤه‌كرنا هونه‌رمه‌ند عه‌بدولقه‌هار زاخۆیی دكه‌ن، به‌لێ دبینم مرۆڤ نابیته سترانبێژ هه‌تا شێواز و سترانێن خوه نه‌بن و یا سرۆشتیه گه‌له‌ك جارن ده‌نگێ مرۆڤی هه‌ر وه‌كو یێ هونه‌رمه‌نده‌كی یه، به‌لێ هه‌كه مرۆڤ زارڤه‌كرنێ دكه‌ت ده‌نگێ مرۆڤی دیاردبیت زارڤه‌كرنه و هه‌رده‌نگ ستایله‌كی دخوازیت و نه‌شێم ستایلێ خوه بكه‌مه یێ ده‌واتان و من ستایلێ خوه یێ تایبه‌ت یی َهه‌ی و دبه‌را سازێ ژی دژه‌نم و دشێم هه‌موو ستایلان بێژم، به‌لێ یا ژ هه‌موو یا گرنگتر ئه‌وه كا كیژ ستایل ل گه‌ل ده‌نگێ مرۆڤی دگونجیت وی ستایلی بێژیت.
