نه‌وشێروان مرۆڤه‌كی مێره و نه‌یێ ترسنۆكه
ئه‌ڤه ده‌مه‌كه گه‌له‌ك گۆتن و نڤێسین ل سه‌ر نه‌وشێروان مسته‌فای، سه‌رۆكێ پارتیا گۆران تێنه گۆتن، كو ئه‌ڤه ساڵه‌كه شه‌ڕێ داعش ل دژی كوردستانێ ده‌ستپێكری ل به‌ره‌یه‌كی 1050 كلم درێژ و تا نوها 1300 شه‌هید و ب هه‌زاران بریندار دڤی شه‌ڕی دا هاتنه دان، لێ نه‌وشێروان سه‌رۆكێ سێیه‌مین پارتیا باشوورێ كوردستانێ نه رۆژه‌كێ ته‌نێ ب سه‌ره‌دان ژی چوویه به‌ره‌یێن شه‌ڕی و نه ژی پشكداری د به‌هیا پێشمه‌رگه‌یه‌كی دا كریه، نه ژی سه‌را برینداره‌كی دایه.
هه‌تا ڤێرێ ڕاسته. لێ گه‌له‌ك هه‌ڤال نه‌وشێروانی ب ترسنۆك ل قه‌له‌م دده‌ن و دبێژن كو ئه‌و نه‌وێریت بچیته به‌ره‌یێن شه‌ڕی !!
ئه‌ز ب به‌ڵگه دبێژمه وان نه‌خێر وه‌نینه، كاك نه‌وشێروان نه زه‌لامه‌كێ ترسنۆكه، به‌لكی ئه‌و گه‌له‌كێ مێره ژی، به‌ڵگه ژی ل سه‌ر مێرانیا وی ئه‌وه ده‌ما كو ل ساڵا 1983 (ی. ن. ك) ب پاڵدانا سه‌دامی هێرش كریه سه‌ر باره‌گایێن هه‌رسێ پارتیێن كۆمۆنیستا عیراقێ، سوسیالستا كوردستانێ و پاسۆكێ، ئه‌ڤ هێرشه ب سه‌ركردایه‌تیا نه‌وشێروان مسته‌فای بخۆ بوویه و من بخۆ ب گوهێن خوه گولێ بوو ده‌ما نه‌وشێروانی ب بێته‌لێ ئێكسه‌ر دگه‌ل ڕادیۆیا ( ی. ن. ك ) دئاخفت و وان ژی ئێكسه‌ر به‌ڵاڤ دكر و كاك نه‌وشێروانی ب ده‌نگه‌كێ بلند دكره قێڕی و دگۆت: ( ئه‌وا ئێستا ئێمه لو هێرشێكی برووسكه ئاسا دا گه‌یشتینه ناو باره‌گاكانی حزبی شوعی ته‌حریفی و پاسۆك و سوسیالست له پشت ئاشان و قڕناقه و به‌سه‌دان چه‌كداری ئه‌م سێ حزبه‌مان وه‌كو سه‌گ تۆپاندووه و كه‌لاكه‌كانیشیان بووه به خۆراكی قه‌ل و داڵ ). هه‌لبه‌ت كاك نه‌وشێروانی وێ جارێ ب ده‌هان پێشمه‌رگێن كچ ژی یێن پارتیا كۆمۆنیست زۆری لێكرن و پاشی ژی ب ده‌ستێ خۆ كوشتن كو ب دیلی كه‌تبوونه ده‌ستێ وان.
ئاها ژ به‌ر ڤێ ئه‌ز دبێژم كاك نه‌وشێروان نه كه‌سه‌كی ترسنۆكه كو نه‌وێریت پشكداریێ د شه‌ڕێ داعش دا بكه‌ت، به‌لكی تایبه‌تمه‌ندیا وی نه ئه‌ڤ جۆره شه‌ڕه‌نه، لێ شه‌ڕێن براكۆژینه، هه‌روه‌كی ئه‌و بخوه د په‌رتووكه‌كا خوه دا دبێژیت: (گه‌له‌ك خه‌لكێ كوردستانێ من ب ئه‌ندازیارێ براكوژیێ دده‌نه ناسین).
ڤێجا ئه‌ز هیڤیدارم ئێدی به‌س ڤی براده‌ری ب ترسنۆك بناڤ بكه‌ن، چونكی ئه‌ڤه نه‌وه‌یی یه.
