نه‌يا ئارامم
ئه‌ڤرۆ نيوز:
کچەکا ٢٢ سالی کو خودان دەوامە دلێ خوە بۆ رۆژناما ئەڤرۆ ڤەدکەت و دبێژیت: ئەڤە ماوێ سالەکێ یە خەوا من یا تێکچوویی و سەعەتێن نڤستنا من یێن کێم بووین ٤ ھەتا ٣ دەمژمیرا ب تنێ دنڤم و من گەلەک دڤێت بنڤم و دلێ من دسوزیت بۆ خەوێ ھندی دێ ھێمە خوە خەوا من ناھێت و نە ب منە، بۆ زانین من ئاریشەیەک ھەیە و دەرونیەن یا ئارام نیننم ھەتا دەمێ من ژ خەو ھشیار ژی دبم دلێ من گەلەک لێ ددەت.
کچا جوان:
باشتر بو تە جورێ ئارێشا خوە دیارکربا و ھەر وەسا ئەگەرێن نە ئارامیاتە یا دەروونی ژ بەر کو ھەر کەسێ تووشی ڤێ چەندێ دبیت ژیانا وی تێک دچیت ژ بەر بەردەوامیا نەرەحەتیێ و ئالوزیا ھزرا لەوما پێدڤیە چارەیەکێ بو وان ببینی و بێ گومان دێ بیتە ھاریکاریەک بۆ چارەسەرکرنا نەنڤستنێ.
بزانە لەشێ مرۆڤی دەمژمێرەکا بایولوژی یا ھەیی و ل دووڤ وێ دەمژمێرێ ھەمی کارێن خوە ئەنجام ددەت؛ ژ کارێن خوارنێ و نڤستنێ و ھزرکرنێ و ھتد و ھەر ئێک یێ جودایە ژ کەسێن دی، ئەڤجا نەپێگیری پێ دێ بیتە ئەگەرێ تێکچوونا وێ و پاشی تووشی کومەکا ئارێشا ژ وان تێکچوونا نڤستنێ و بێ گومان لەش پێدڤی وێ چەندێ یە و ئەو ئەگەرێ تێکچوونا ھەمی لایایە و بزانە ھەمی پێکڤە دگرێداینە، ئەڤجا دڤێت مروڤ ڤێ چەندێ بەر چاڤ دانیت و پێگیریێ ب پێدڤیێن لەشی بکەت.
دڤێت تو سیستەمێ ژیانا خوە ب گوھۆڕی و ریفورم بکەیی و ئەڤ چەندە پێدڤی ئیرادێ یە و فشارێ بێخیە سەر پرۆگرامێن خوە، ئەڤجا پێنگاڤێن پراکتیکی باڤێژە و باشترە ڤی کاری ب ھاریکاریا نوشدارەکی دەروونی ئەنجام بدەیی و بزانە د ئایندەیی دا ئاریشە دێ ئالوز تر لێ ھێت و چارەسەری دێ ب زەحمەتتر لێ ھێت.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
