نه‌یمار: ناسناڤێ فره‌نسا قه‌ره‌بوویا چامپیۆنزێ بوو
ئه‌ڤرۆ،
ستێرێ به‌رازیلی و یاریزانێ یانا پاریس سانجێرمان نه‌یمار جونیرۆ داسێلڤا دیاركر ده‌ستڤه ئینانا ناسناڤێ خولا فره‌نسا قه‌ره‌بوویا ده‌ركه‌فتنا چامپیۆنزێ بوو و ده‌لیڤه‌یه بۆ ڤه‌گه‌ڕاندنا گیانێ هه‌ڤڕكیێ بۆ وه‌رزێ بهێت.
نه‌یمار ئه‌وێ بۆ كه‌نالێ تایبه‌ت یێ یانێPSG TV گۆت: مه وه‌رزه‌كێ درێژ و بزه‌حمه‌ت ده‌ربازكر هه‌رچه‌نده ئارمانجا مه‌زن نه‌شیاین بجه بینن ئه‌وژی چامپیۆنز لیگ بو لێ مه شیا قه‌ره‌بوویا وێ بكه‌ین ب ده‌ستڤه ئینانا ناسناڤێ خولا فره‌نسا كو ده‌ست ڤالا نه‌بین و ئه‌و گڤاشتنێن بوری هه‌موو هاتنه لادان ودوباره مه جه‌ماوه‌رێ خوه گه‌شبینكر ئه‌وێن فیتكێن كێماسیێ بۆ من ڤه‌داین، كه‌یفخووشم بۆ جارا چارێ ل گه‌ل پاریسێ ناسناڤی ده‌ستخوه‌ڤه دئینم و سالا بهێت باشتربین بۆ ناسناڤا.
بۆ زانین ناسناڤێ ئه‌ڤ ساله یێ پاریس سانجێرمان دبیته یێ ده‌هێ د دیرووكا خوه دا، ژلایه‌كێ دووڤه دبیته ناسناڤێ ئێكێ یێ راهێنه‌رێ تیمێ ئه‌رجه‌نتینی ماۆریسیۆ بۆكیتینۆ و یێ سێیێ پشتی وه‌رزێ بوری كۆپا و سۆپه‌ر یێن فره‌نسا ده‌ستخوه‌ڤه ئینایی.
