نه مه‌رجه شێوه‌كار ئه‌كادیمی بیت
دهۆك، هه‌رهین محه‌مه‌د:
شێوه‌كار ( فه‌زیلا بشار) د دیداره‌كێ دا بۆ رۆژناما ئه‌ڤرۆ گۆت: به‌ری چه‌ند رۆژان من پێشانگه‌ها خوه یا ئێكێ ل هولا زانكۆیا نه‌ورۆز ڤه‌كر كو ژ سیه كه‌ڤالان پێكهاتبوو، هه‌موو ل سه‌ر شێوازێ گرافیك د زه‌خره‌فێ دا، ئانكو هه‌ر تشته‌كێ دژیانێ دابیت من تشته‌ك هه‌لبژارتیه و من دانایه ل سه‌ركه‌ڤالی و ب ئانه‌هیا خودێ من ل به‌ره پێشانگه‌هێن مه‌زنتر ڤه‌كه‌م و پتر داهێنانێ دكارێ خوه دا دێ كه‌م و خوه پێشئێخم.
زێده‌تر گۆت: هه‌ر كه‌ڤاله‌كی ده‌مێ خوه هه‌یه هه‌تا كو مرۆڤ ب دووماهیی دئینت و كه‌ڤال هه‌بوویه هه‌تا دوازده ده‌مژمێران ژی من ل سه‌ر كاركریه هه‌تا من ب دووماهی ئینای و دبینم كاره‌كێ ب زه‌حمه‌ته و ده‌مه‌كێ درێژ دچیت هه‌تا كو مرۆڤ دروست دكه‌ت و دئێكه‌م پێشانگه‌ها خوه دا من بتنێ ره‌نگێ ره‌ش و سپی د كه‌ڤالێن خوه دا ب كارئینایه، چونكو دو ره‌نگێن دیار و به‌رچاڤن و دونیایێ دا دو رامانێن جودا هه‌نه و نه مه‌رجه شێوه‌كار ئه‌كادیمی بیت و شێوه‌كاری ئاره‌زویه‌كا خودایی یه و من ژ زارۆكینیا خوه ئه‌ڤ حه‌زه هه‌بوو و ل دووماهیێ گه‌هشتمێ.
