نووترین ئامارا رزگاركرنا رەڤاندیێن ئێزدی هاتە راگەهاندن
دهۆك، لەزگین جوقی:
حسین قائیدی، بەرپرسێ نڤیسینگەها رزگاركرنا رەڤاندیێن ئێزدی ژ دەستێن تیرۆرستێن داعشێ، نووترین ئامارا رزگاركرنا رەڤاندیان راگەهاند و دبێژیت: هەتا نوكە سێ هزار و 585 كەس ژ هەردو رەگەزان هاتینە رزگاركرن.
حسین قائیدی، بەرپرسێ نڤیسینگەها رزگاركرنا رەڤاندیێن ئێزدی ئاشكرا كر، هەتا نوكە هێشتا پتر ژ دو هزار رەڤاندیێن ئێزدی ماینە و نەهاتینە رزگاركرن و گۆت: «پتر ژ پینج هزار ئێزدیان ژی شەهید بووینە و ئەڤە هەمی هاتینە پشتراستكرن».
ل سالا 2014ێ ل شنگالێ شەش هزار و 417 كەسێن ئێزدی ژ لایێ تیرۆرستێن داعشێ ڤە هاتبوونە رەڤاندن، هەتا نوكە سێ هزار و 585 كەس ژ هەردو رەگەزان هاتینە رزگاركرن.
