نووترین ته‌كنۆلۆجیا بۆ مۆندیالا قه‌ته‌ر 2022 هاتیه دانان
ئه‌ڤرۆ،
هه‌موو حه‌ز ژێكه‌رێن وه‌رزشێ و پڕانیا خه‌لكی ل جیهانێ چاڤه‌ڕێ ده‌ستپێكرنا مۆندیالا قه‌ته‌ر 2022ێ نه ئه‌وا بڕیاره هه‌ڤڕكیێن وێ ل 20ێ ڤێ هه‌یڤێ بهێنه ئه‌نجامدان، ته‌كنۆلۆجیا ئێك ژ پێنگاڤێن نوو یێن ئێكه‌تیا ته‌پا پێی یا نێڤده‌وله‌تی فیفا د ڤێ مۆندیالێ دا دانایه پێخه‌مه‌ت سڤككرنا كارێن دادڤانا، یاریزان، پشته‌ڤانان و رێكخه‌رێن قاره‌مانیێ دا ئه‌وا دهێته پێشبینیكرن هه‌ر ژ ریوره‌سمێن ده‌ستپێكرنێ هاته دووماهیا قاره‌مانیێ ته‌كنۆلۆجیا دیارترین نیشاندانێن مۆندیالێ بیت، ئه‌ڤه ژی هنده‌ك ژ ئه‌وان كارێن نوو هاتینه به‌رهه‌ڤكرن.
چاڤدێریا ئۆفسایتێ
ب ڕێیا رۆبۆتێ ته‌كنۆلۆجیا تایبه‌ت دێ چاڤدێریكرنا هه‌رلڤینه‌كا ئۆڤسایدێ د ناڤ یاریگه‌هێ دا هێته كرن كو هه‌ر لڤینه‌كا ئۆڤسایتێ ب مللیمان دێ وێنه‌كه هێته گرتن و ئێكسه‌ر بۆ كادرێ دادڤانا هێته هنارتن، ئه‌ڤ ته‌كنۆلۆجیا وه‌كو تێست ل كۆپا عه‌ره‌بی2021 و كۆپا جیهانی یا یانه‌یان2021 ب كارئینانا بوو ب رێژه‌یا 12 كامیرێن چاڤدێریێ ل هنداڤ یاریگه‌هێ ب ئارمانجا لڤینێ ل گه‌ل ته‌پێ بكه‌ن و نێزكی 29 خالێن داناین ب له‌ز دهێت و چیت.
ته‌پا(Al Rihla)
ته‌په‌كا تایبه‌ته و فه‌رمی بۆ مۆندیالێ هاتیه دانان ژلایێ كۆمپانیا ئه‌دیداس یا ئه‌لمانی ڤه، ئه‌وا سیم كارت د ناڤ دا هاتیه دانان ژبۆ دیاركرن و زانینا ئۆفسایدێ، دیسان وه‌رگرتنا له‌زاتیا ته‌پێ پشتی شۆتكرنێ ژلایێ یاریزانی ڤڤه، بوهایێ ڤێ ته‌پێ گه‌هشتیه 200 یۆرۆیان.
سیسته‌مێ ساركرنێ
وه‌لاتێ قه‌ته‌ر هه‌ر هه‌شت یاریگه‌هێن نوو یێن به‌رهه‌ڤكری بۆ مۆندیالێ ب سیسته‌مێ ساركرنێ دانایه كو پله‌یا گه‌ڕم و سارمێ ل ده‌ڤ جه‌ماوه‌ری و یاریزانان یا سرۆشتی بمینت، هه‌روه‌سانا دانانا سیبه‌ران بۆ هه‌موو یاریگه‌هان و جهێن گه‌شت و گۆزاری كو ل دووڤ سیسته‌مه‌كێ دیاركری پله‌یا گه‌رمێ و سارمایی ل دووڤ گه‌ش وهه‌وایێ رۆژێ كاربكه‌ت، ئه‌ڤ سیسته‌مه ب ووزه‌یا رۆژێ كار دكه‌ت.
ئه‌پلیكه‌یشنا هه‌ییا
رێكخه‌رێن قاره‌مانیێ ئه‌پلیكه‌یشنه‌كا تایبه‌ت ب ناڤێ هه‌ییا دانایه ژبۆ ئاسانكاریێ بۆ هه‌موو مێڤانێن قه‌ته‌ر و هه‌لبژارتیێن پشكدار كو كارێ وێ دیاركرنا هه‌موو جهێن ڤه‌حه‌واندنێ، پلێتان، بازاركرنێ، گه‌شت كرن.
هاریكاریا نابینان
لژنا بلند یا پرۆژه‌یێن وه‌لاتێ قه‌ته‌ر ئامیرێ Bonocle بۆ كه‌سانێن نابینان و كێم دیتن به‌رهه‌ڤكرینه ژبۆ زێده‌تر هاریكاریا وان بهێته كرن د ده‌مێ مۆندیالێ دا ئه‌و دووڤچوونا مۆندیالێ بكه‌ن چڕه‌ك ب چڕكه و ئاگه‌هداریا هه‌ر نوویاتی و ئه‌نجامان بن.
ته‌كنۆلۆجیا ل هه‌موو جهان
ده‌زگه‌هێ پێشخستنا ته‌كنۆلۆجیا و حوكمه‌تا قه‌ته‌ری چه‌ند تابلۆیێن ئاگه‌هداری و هۆشداریێ ل سه‌ر رێكێن هاتنۆچوونا ترۆمبێلان دانایه پێخه‌مه‌ت هه‌موو شۆڤێر ئاكه‌ه ژ شۆفێریا خوه هه‌بن و ژ دوور بزانن چو ترۆمبێل ل پێشیێ دهێت، هه‌روه‌سان شێوازێ دلیڤه‌ری بۆ خارنێن بله‌ز د ده‌مێ یاریان دا بگه‌هینه جه‌ماوه‌ری و ئامیرنێن تایبه‌ت بۆ چارچینگ كرنا تله‌فونا ل سه‌ر جاده و یاریگه‌هان.
