نوونه‌رێن كوردا ل سوید سه‌ركه‌فتنا ئێكێ تۆماركر
ئه‌ڤرۆ، قه‌یس وه‌یس
تیما ته‌پا پێی یا یانا دالكورد سه‌ركه‌فتنا ئێكێ د خولا پلا ئێكا سوید دا ب ده‌ستڤه ئینا پشتی سه‌ركه‌فتی ل سه‌ر مێڤانا خوه یانا ترێلیبۆرگ ب دو گۆلان بێ به‌رامبه‌ر، د یاریا واندا ئه‌وا ژ چارچووڤێ هه‌ڤڕكیێن گه‌ڕا دویێ ل یاریگه‌ها دالكورد هاتیه كرن، هه‌ردو گۆلێن نوونه‌را كوردا ئاریان كاباشی و كۆن كۆستۆنسون تۆماركرن، بڤێ ئه‌نجامێ یانا دالكور ب سێ خالان رێزا شه‌شێ دهێت، یاریا سێیێ یا بهێت دێ 18ێ ڤێ هه‌یڤێ مێڤانداریا هالمستاد كه‌ت ئه‌وا رێزا نه‌هێ دهێت ب خاله‌كێ.
بۆ زانین یانا داكورد ئێك ژ یانێن خولا سویده كو ژلایێ دو كه‌سایه‌تێن وه‌به‌رهێنه‌رڤه ل سالا 2004 هاتیه دامه‌زراندن ژوانا ئێك یێ پارێزگه‌ها دهۆكێ ئه‌وژی كاوه عه‌بدوللا جونه‌ید و د نوكه دا سه‌رۆكێ یانێ سه‌ركه‌ت عه‌بدوللا جونه‌ید، دیسان چه‌ند یاریزانێن هه‌رێمێ و پارێزگه‌هێ تێدا هه‌نه ژوانا یێ پارێزگه‌ها دهۆكێ هارون ئه‌حمه‌د، چاڤه‌ڕێ دهێته كرن هه‌ر ئێك ژ ئه‌حمه‌د سه‌بری یاریزانێ یانا دهۆك و یاسر قاسم یاریزانێ یانا زاخۆ په‌یوه‌ندیێ ب یانا دالكورد بكه‌ن.
