نوونهرێ عیراقێ یێ لهشكرى ل ناتۆ: پشتى ناتۆ زانى كوردم باوهرى گهلهك ب من هات ئهڤرۆ
سالار دۆسكى
نوونهرێ عیراقێ یێ لهشكرى ل قۆلپا ناتۆ ئاشكراكركو بالیۆزێ عیراقێ ل وى وهلاتى گهلهك دژاتیا وى كر و نهچاركر كو دهست ژ بهردانا خوه ژ كارى پێشكێشى سهرۆك وهزیرێن عیراقێ بكهت، حهیدهر عهبادى رهدكریه، پشتى ناتۆ زانى كورده پتر باوهرى پێ دئینا.
لیوایێ ئهندازیار سهباح سالح دۆسكى، نوونهرێ عیراقێ چهقێ لهشكرى ل قۆلپا ناتۆ د دیدارهكا رۆژناما ئهڤرۆ دا گۆت: پشتى چوویمه سهر كارێ خوه ل برۆكسل (خالد عوبید) سهردانا مهكر و هایداربوو ل سهر كارێ مه و چهك مه بۆ عیراقێ بێ بهرامبهر هنارتیه و پشتى ماوهكى چهند ههیڤان كرینمه سهرۆكێ پاشگویێ لهشكرى ل كوریا، نڤسیارهكێ هاتمه ڤهگوهاستن بۆ (قۆلپا ناتۆ) ئێكهم عیراقى بووم چوویمه وێرێ و مه نڤسینگهها عیراقێ ڤهكر و ب تنێ مه ههموو تشت بووم و ههمان دهم ژى ههر پاشگۆیێ لهشكرى بووم ژى كۆریا و ماوێ پتر ژ دو سالان من ههر دو كاركرن، گهلهك یا ب زحمهته ل جههكى بی و پشتهڤانى نهبیت ژلایێ حكومهتا ته ڤه، ناتۆ گهلهك هاریكاریا من كر، لێ بالیۆزێ عیراقێ هاریكاریا من نهدكر و پهیوهندیێن مه نهباش بووم و ئهوى نڤسیارهك نڤێسى و من ئێك دنڤێسى و ههر راپۆرتهكا بۆ بهغدا هنارت با، بهغدا ههر ئهو راپۆرت بۆ من دهنارته ڤه كا یا دروسته یان نه، ههموو راپۆرتێن وى من رهدكرینه، بهرامبهر بالیۆزێ عیراقێ ل كۆریا كهسهكێ گهلهك بهركهفتى بوو و هاریكار بوو و ج جاران مایتێكرن كاروبارێن مهدانهدكر و ههتا ب دووماهى هاتنا كارێ من ژى ل كۆریا خوارنهكا مهزن بهرههڤكر و چهند بالیۆز و كهسانێن لهشكرى وى وهلاتى مێهڤان كرن گۆتێ كارێ ئهفسهرێ مه ب دووماهى هات و بهرامبهر دهمێ ل بهلجیكا ب دووماهى هاتیم بالیۆزى خوه چایهك ژى نهدامن، ئهڤ بالیۆزه عهرهبێ شیعه بوو و ئهگهر ته نهدیتبا دا بێژى كهسهكێ ئیرانى یه و ههر دهم ناتۆ گونههباردكر ب ههڤالێن ئیرانێ و ههر دهم راپۆرتێن وى من رهدكرن و ههر پێنگاڤهكا ناتۆ هاڤێتبا بالیۆزێ عیراقێ ب مهترسى بوو ل سهر ئیرانێ ل قهلهم دا و ب راپۆرت حوكمهتا بهغدا هایداردكر و من راپۆرت رهدكر وى نهزانى كارێ ناتۆ چیه و بۆچى هاتیه دامهزراندن. لیوایێ ئهندازیار ئهو ژى گۆت: گهلهك یا ب زحمهته ب تنێ ل جههكى بى و بێ پاره ئهڤه 30 ههیڤه وێرێ مه و حوكمهتا عیراقێ ئێك دۆلار بۆ من نهمهزاختیه، بێژن نڤیسارا شاشه و چهند هاتمێ نڤیسارێ دروست بكهم و دووماهیێ ژ تورهبوونا خوه من گۆتێ دێ هێلم و من نڤیسارا خانهنشینكرنا خوه پێشكێشى ئهنجوومهنێ وهزیران كریه و عهبادى رهدكریه، لێ یێ رژدم ل سهسر خانهنشینكرنا خوه چنكو گهلهك یا زحمهته ل گهل كهسهكێ ب ڤى رهنگى برێڤه بچیت، ههیڤا نهه كارێ من ل ناتۆ بدووماهى هات و زڤریمه ڤه. ناڤبرى ههمبهر دژاتیا بالیۆزێ عیراقێ ل بهلجیكا بهرامبهر وى گۆت: ناتۆ پتر حهز من كر، چنكو من شارهزایى ههبوو و ئهوى شارهزایى نهبوو و تایبهت پشتى ناتۆ زانى كورم پتر باوهرى بۆ دروست بوو، ئێكهم كهس بووم من پاشگۆیێ عیراقێ یێ لهشكرى ل ناتۆ ڤهكر و ب تنێ بووم خوه من نڤیسارێن خوه دروست كرینه، ب ملیۆن دیناران ناتۆ هاریكاریا عیراقێ كریه و ئهگهر بالیۆزێ هاریكاربا تشتێ مه دڤیا دا دهنه مه، لێ تشتێ مه دگۆت بالیۆزى گوهداریا مه نهدكر، نهزانى و نه گۆتن نهزانى و هندهك جاران ژى نهڤیا بكهم.
نوونهرێ عیراقێ ل ناتۆ ئهو ژى گۆت: چ جارا ناتۆ چهك نهدایه عیراقێ و نادهت چ وهلاتان ب تنێ هاریكاریێ دكهت وهك راهێنان ب لهشكرى و گهلهك راهێنان ل لهشكرێ عیراقێ كریه، چ بۆ پێشمهرگهى نهكریه لێ وهلاتێن ل گهل ناتۆ ژ دهرڤهى قۆلپا ناتۆ هاریكاریا پێشمهرگهى كریه، ناتۆ سحكهنه عیراقێ نه ب تنێ پێشمهرگهى و راپۆرتێن وان بێژن حزبێن عیراقێ ب كورد، عهرهب، توركمان، مهسیحى ڤه چهك ههیه خوه ب هێز دئێخن و ئهڤه نه بۆ شهرێ داعش ب تنێ خوه بهێزتێخن، ئهڤه پشتى شهرێ داعش ئهو ب خوه دێ شهرى ل گهل ئێك دو كهن. هێشتا ژى گۆت: ههر لهشكرهكێ بهێته دروستكرن دڤێت باوهرى یا لهشكرى ههبیت، ئهڤه ل سهر دهمێ ئیسلامێ ههیه و دڤێت ئهو كهسێ دچیته شهرى بزانیت بۆچى دێ چیته شهرى و دێ بۆچى خوه دهته كوشتن، لهشكرێ عیراقێ باوهرى پشتى سالا 2003 نهما و ههر پێكهاتهكێ عیراقێ باوهریهك ههیه و ئهڤه ل گهل ئێك ناگونجن، ههتا باوهریا پێشمهرگێن كوردستانێ باوهریا پێشمهرگێن پارتى و ئێكهتى وهك ئێك نینه، ههكه لهشكرهكى باوهرى نهبیت چ جاران سهرناكهڤیت ل جهێ لهشكرهكێ بێ باوهرى كو 10000 هزار كهسان پێك بهێت ته 100 ته ههبن ئێك باوهرى ههبیت كو كوردستان بۆ كهسهكێ دى نه، ههر جههكێ بچیتێ وهك ئێك ئهڤه یا دروست نوكه هۆسا نینه. هێشتا گۆت: ههموو بابهت وهك وانه من كۆمكرینه كا چاوا ناتۆ شیایه لهشكرێ 29 وهلاتان بكهته ئێك، نه تهوه، نه زمان، نهباوهرى ئێك بیت و چاوا بووینه ئێك، چاوا كورد نهشێن لهشكرێ خوه ب كهنه ئێك و ههموو تشتێ وان ئێكه وهك زمان، ئاین، مێژوو، بۆچى نابیته ئێك؟. هێشتا گۆت: ههكه دووڤچوونهك بهێتهكرن ل شههیدێن پێشمهرگهى ئهڤێن شهرێ داعش ب دیتنا من دێ پتر شههید ئهو بن پێشمهرگێ كهڤن، چنكو باوهرى و ئیمان ههیه، پێشمهرگێ كهڤن دبینم باشتر بوویه. ههمبهر دروستبوونا باوهریێ دناڤا پێشمهرگهى دا، ناڤبرى گۆت: دڤێت ئهو كهسێن سهركرداتیا پێشمهرگهى دهن كهسانێن دلسۆزبن و نابیت پێشمهرگهكێ موخلس ههبیت و ئهفسهرهكێ دز سهرپهرشتیێ ل سهر بكهت، لهشكرێ عیراقێ چاوا مووسل بهردا دهستێ داعش، چنكو باوهرى نهبوو گۆت ههكه بێمه كوشتن دێ ژ كیستێ خوه چم، گرنگه بریارهك بهێـتهدان پێشمهرگه بیته ئێك یان نهلازمى وهزارهتا پێشمهرگهى یه چونكو ئهگهر بمینت مهترسى پتر ل سهر ههیه. نوونهرێ عیراقێ ل قۆلپا ناتۆ ئهو ژى گۆت: دڤێت رزگرتن ل خێزانێن شههیدان بهێته گرتن دا زارۆیێن وان بزانن، خوینا بابێ وان ب ههروه نهچوویه و سوبه دا پتر باوهرى بۆ خهلكى دروست بیت و ببنه پێشمهرگه. نوونهرێ ناتۆ، گۆتژى: ناتۆ ههردهم بێژیت ئهوێن شهرێ داعش كرین، پێشمهرگه، حهشدا شهعبى، لهشكرێ عیراقێ، ب چاڤهكى سهحكهنه عیراقێ كو وهلات و نهشێن دلێ توركیا ژ خوه بهێلن، چنكو ئهندامه د ناتۆ دا. نوونهرێ ناتۆ گۆت: ب گشتى پێشمهرگه ب رێكوپێكتره ژ لهشكرێ عیراقێ وهك جلك، ئهڤجا ئهگهر رۆژهك بهێت و لهشكرك هاته دروستكرن ژ ههموو پێكهاتێن عیراقێ، دڤێت ئهفسهرێن كورد ئهوێن سهرپهرشتیا پێشمهرگهى دكهن دڤێت زمانێ ئنگلیزى باش بزانن، چنكو ب ڤى رهنگى دێ وهلات رێزێ لێ گرن، نوكه مووچێ پێشمهرگهى یێ كێمه و یێ حهشدا شهعبى زێدهتره. ههمبهر خانهنیشنكرنا خوه ژى گۆت: نه ب دلێ خوه من داخوازا خانهنیشنكرنێ كریه، دهمێ ل كوریا مووچێ من گهلهكێ باش بوو، پشتى هاتیمه برۆكسل ئهڤه 30 ههیڤه مووچێ من نهدایه. ناڤبرى ل دووماهیێ گۆت: ل سالا 1949 ناتۆ هاتیه دامهزراندن ژ 12 وهلاتان و زێدهبووینه ههتا نوكه بووینه 29 وهلاتان و عیراق ب تنێ ل گهل ههڤپشكه و ئهڤه مهزنترین رێكخراوا لهشكرى یه ل سهرانسهرى جیهانێ، وهلاتێن ئهندام ههر سال پارا دهنه ناتۆ، ناتۆ سێ سهركرداتى ههنه، جهێ هێزا هشكاتى ل )ئهزمیر)ه ل وهلاتێ توركیا و لهشكرێ وێ ژ ههموو ئهندامێن ناتۆیه، بلندترین ئهفسهرێن ناتۆ توركن. ل سالا 1958 ژ دایك بوویه، دهرچوویێ كۆلیژا لهشكرى مه ل بهغدا ل سالا 1982 پشتى سهرهلدانێ من قهستا وهلاتێ هولهندا كریه، پشتى سالا 2004 ڤهگهریایمه عیراقێ ل وهزارهتا بهرڤانیا عیراقێ هاته دامهزراندن، دووڤ دا بۆ شیرهتكار ل گهل هێزێن ئهمریكى هاتیمه ڤهگوهاستن، دووڤ دا بۆ سهركردێ هێزێن ئهسمانى ل كهركووك، دووڤ دا وهك جێگرێ پاشگوویێ هێزێن لهشكرى ل كۆریا و ماوێ 30 ههیڤان بۆ مه نوونهرێ عیراقێ یێ لهشكرى ل قۆلپا ناتۆ.
