نووکرنا ھەڤبەستا وی جەماوەر تورەکر
ئەڤرۆ نیوز:
جەماوەرێ یانا مانچستەر یونایتد تورەبون و دلگرانیا خوە ل ھەمبەر پێنگاڤا یانێ بو نووکرنا ھەڤبەستا یاریزانێ ھێلا بەرەڤانیێ بو ماوێ سێ سال و نیڤان و دگەل شیانێن نووکرنا سالەکا دی یا زێدە دیارکر.
ئەڤ نەرازیبونە ھاتە پێش پشتی کارگێریا یانا مانچستەر یونایتد راگەھاندی کو ھەڤبەستا یاریزانێ خوە کریس سمولینگ نووکریە و ھەتا 2022 دێ مینتە ل یاریگەھا ئولد ترافورد و دشیاندایە سالەکا دی ژی زێدەبکەن.
ل دویڤ ژێدەرێن نێزیک ژ یانێ جەماوەری نەرازیبونا خوە ھەمبەر ڤێ پێنگاڤا یانێ دیارکریە بەلکو بەروڤاژی جەماوەری دخواستن ل مێرکاتویا زڤستانێ ڤی یاریزانی بفروشن و ھەڤبەستا بەرەڤانەکێ نوو ئیمزا بکەن بو سەرکێشیا ھێلا پاشیێ یا یانێ.
ژ لایێ خوەڤە جوزێ مورینھو یێ پرتوگالی راھێنەرێ یانێ کەیفخوشیا خوە بو نووکرنا ھەڤبەستا ڤی یاریزانی دیارکریە و ئاماژەکریە کو ئێک ژ یاریزانێن خودان شیانە و پاشەروژەکا گەش یا ھەی.
سمولینگ شیایە دوجاران دگەل یانا مانچستەر یونایتد ناسناڤێ خولا ئنگلیزی و جارەکێ کاسا ئنگلیزی و جارەکێ کاسا ھەڤگرتیا ئنگلیزی و دیسان ناسناڤێ خولا ئوروپی ژی دگەل ڤێ یانێ ببەت و ھەتا نوکە 307 یاری بو کرینە پشتی ل 2010 ژ فولھام ھاتیە ڤەگوھاستن.