نوکە کەڤالێن خوە نافرۆشیت
ئەڤرۆ، ھەرھین محەمەد:
شێوەکار و پەیکەرساز سەعەد سالم، د دیدارەکێ دا بۆ رۆژناما ئەڤرۆ گۆت: پتریا کەڤالێن من کار ل سەرکری دۆرھێلی نە و کەڤالێن خەیالی ھەتا نوکە من چێنە کرینە و نە یا دەست نیشانکریە کا دێ چەند دەمی مینمە ب کەڤالی ڤە و ل دووف وی کاری دمین و ئەو کەڤالێن ئەز چێدکەم ھەتا نوکە من نەفرۆتینە، چونکو دبینم ئەو کارێن نوکە ئەزدکەم مۆلکێ پەیمانگەھێ نە و ھەتا پەیمانگەھێ ب دووماھی دئینم دێ کەڤالێن خوە فرۆشم.
ناڤھاتی گۆت: نوکە قوتابیێ قوناغا چارێ مە ل پەیمانگەھا ھونەرێن جوان پشکا پەیکەرسازی و گەلەک داخبارێ پەیکەرسازێ ئیتالی مایکل ئەنجلۆ و ب تایبەتی کارێ وی ئەوێ ب ناڤێ زەدەی ڤێت من گەلەک حەزدکر ئەو کاری َوی کری من کربا و راستە کەڤال زمانەکێ بێدەنگە و ئەو بخوە د ئاخڤیت و ل دووف وی کەسێ دمینت یێ تەماشە دکەتێ کا دێ چاوا تێگەھیت و پتریا جاران ھونەرمەندێ شێوەکار دشێت ناما خوە د چێکرنا کەڤالەکی دا بگەھینت و د کارێ شێوەکاری دا من نەڤێت زارڤەکرنا چ ھونەرمەنێن جیھانی بکەم و من دڤێت بۆ خوە داھێنانێ بکەم و ھەکە مرۆڤ چاڤلێکرنا ھونەرمەندەکی بکەت دی مرۆڤ ھەر ل وی ئاستی مینت.
