نڤیسه‌ره‌ك: پێگه‌هێ كوردستانێ و ئه‌فغانستانێ گه‌له‌ك ژێك جودانه
ئه‌ڤرۆ:
محه‌مه‌د حسێن تایسون نڤیسه‌رێ كورد یێ باكورێ كوردستانێ دیار دكه‌ت كو گه‌له‌ك كه‌س پشتی روودانێن ل ئه‌فغانستانێ وه‌سا دده‌نه دیار كرن كو دێ هه‌مان روودان ل كوردستانێ ژی هێنه دوباره كرن، لێ ئه‌و یه‌ك راست نینه، چونكو جوداهیێن گه‌له‌ك مه‌زن د ناڤبه‌را كوردان و خه‌لكێ ئه‌فغانستانێ دا هه‌نه، خالا دی پرانیا خه‌لكێ ئه‌فغانستانێ پشته‌ڤانیێ ل تالیبانێ دكه‌ن ئانكۆ تالیبان پشكه‌كه ژ جڤاكێ ئه‌فغانستانێ، لێ ل كوردستانێ چو هێزه‌كا وه‌سا نینه كو شه‌ری بكه‌ت ره‌نگه هێزێن شیعه یان ژی داعش بزاڤا شه‌ره‌كێ ل دژی كوردان بكه‌ن لێ به‌ری نها كوردان ئه‌و تووشی شكه‌ستنێن مه‌زن كرینه.
ناڤهاتی دیار ژی دكه‌ت كو كه‌لتور و ژیانا كوردان و ئه‌فغانیان گه‌له‌ك ژێك جودایه و كورد ل هه‌رێما كوردستانێ كار بۆ ئاڤاكرنا ده‌وله‌تا خوه دكه‌ن، كوردان ب تایبه‌تی ژی هێزێن پێشمه‌رگێن كوردستانێ شیان مه‌زنترین رێكخستنا تیرۆرستی ل سه‌ر ئاستێ جیهانێ تووشی شكه‌ستنێ بكه‌ن، ژ به‌ر هندێ ژی یێن وه‌سا هزر دكه‌ن كو دێ روودانێن ل ئه‌فغانستانێ ل كوردستانێ ژی هێنه دوباره كرن گه‌له‌ك شاش هزر دكه‌ن و پێگه‌هێ هه‌رێما كوردستانێ بۆ ئه‌مریكا و وه‌لاتێن رۆژئاڤایی گه‌له‌ك گرنگه و بێی پشته‌ڤانیا ئه‌مریكا و وه‌لاتێن رۆژئاڤایی به‌ری نها كوردان شوره‌ش كرینه و دشێن ل هه‌مبه‌ر هه‌ر ئێرشه‌كێ ژی خوه بپارێزن.
