نڤیسینگه‌ها پاسپۆرتان ل ئامێدیێ دێ هێته ڤه‌كرن
ئه‌ڤرۆ، حه‌مۆ محه‌مه‌د:
ئه‌ندامه‌كێ لژنا ناڤخوه و ئاسایشێ ل په‌رله‌مانێ كوردستانێ دیار كر، بڕیاره ل ڤان نێزیكان نڤیسینگه‌ها پاسپۆرتان ل ده‌ڤه‌رداریا ئامێدیێ بهێته ڤه‌كرن.
محسن دۆسكی، ئه‌ندامێ لژنا ناڤخوه و ئاسایشێ ل په‌رله‌مانێ كوردستانێ خویا كر، ب مه‌ره‌ما پتر خزمه‌تكرنا وه‌لاتیێن سنوورێ ده‌ڤه‌رداریا ئامێدیێ وه‌زاره‌تا ناڤخوه یا حوكمه‌تا هه‌رێما كوردستانێ بڕیار دایه كو ل ڤان نێزیكان نڤیسینگه‌ها پاسپۆرتان ل ده‌ڤه‌رداریا ئامێدیێ بهێته ڤه‌كرن.
ناڤهاتی گۆت: “ب ڤه‌كرنا نڤیسینگه‌ها پاسپۆرتان ل ده‌ڤه‌رداریا ئامێدیێ، دێ بیته ئاسانكاریه‌كا باش بۆ وه‌لاتیێن ده‌ڤه‌رێ و ئێدی پێدڤی ناكه‌ت بۆ ده‌رئێخستنا پاسپۆرتا ئیراقی، سه‌ره‌دانا دهۆكێ بكه‌ن”.