نڤیسەرەکێ تورک: ئەمریکا دێ هەرێمەکێ ل باکورێ سووریێ ئاڤا کەت
ئەڤرۆ نیۆز:
سەردار تورگوت نڤیسەرێ ناڤدارێ تورکیا دیار دکەت کو ئەمریکا رێ نادەت تورکیا باکورێ سووریێ داگیر بکەت، دو رۆژن ئەمریکی هۆشداریێ ژی ددەنە تورکیا کو نابیت هوون هێرشی هەڤپەیمانێن مە ل سووریێ بکەن، ئەمریکا بەرهەڤیێ بۆ هەرێمەکا کوردی وەکو هەرێما کوردستانا عیراقێ ل سووریێ دکەت و تورکیا ژی دخوازیت ب رێیا ئۆپەراسیۆنا رۆژهەلاتێ فراتێ ئاستەنگیان ل هەمبەر بەرنامێ ئەمریکا دروست بکەت.
ناڤهاتی ئەو یەک ژی دیار کریە کو تا رادەیەکێ روسیا ژی رازیە کو کورد بگەهنە مافێن خوە ب مەرجەکێ سووریە نەهێتە پارچەکرن، ژ بەر هندێ ژی هەتا نها دیار نینە کا دێ ئۆپەراسیۆنا تورکیا ب چ رەنگەکێ بیت و ئایا دێ ئەمریکا رێ دەت تورکیا هێرشی رۆژهەلاتێ فراتێ کەت یان نە؟
