نڤیسەرەک: رەوشا ئاکپارتیێ گەلەک خرابە
ئەڤرۆ نیوز:
عەبدولرەحمان دیلیپاک نڤیسەرێ ناڤدارێ تورکیا راگەهاند کو ناما دەست ژ کارکێشانا وەزیرێ ناڤخوە سلێمانێ سویلو ژ ئالیێ ئەردۆگانی ڤە نەهاتە قەبوولکرن، چونکو بابەتێ تنێ سویلو نینە و گەلەک کەسێن دی ژی هەنە کو وان ناکۆکیێن گەلەک مەزن ل گەل ئەردۆگانی و شێوەیێ رێڤەبەریا وی هەنە.
نڤیسەرێ تورکیا دیار دکەت ژی کو رەوشا ئاکپارتیێ گەلەک خرابە و رەنگە ب سەدان کەس ژ وێ پارتیێ جودا ببن، چونکو ئەردۆگان و چەند کەسێن دی ب تنێ بریاران ددەن و پرانیا وەزیرێن حوکمەتێ ژی وەکو رێڤەبەرێن گشتی نە و چو دەستهەلاتا وان نینە، ژ بەر هندێ ژی دێ گەلەک گوهۆرین پشتی کۆرۆنایێ ل تورکیا روو دەن.
