نڤێسینگەها رێكخستنا پارتی و حوكمەتا هەرێمێ دلێ پشتەڤان و وەرزشڤانێن مە خوەشكرییە
شاهۆ فەرید:
د داخویانیەكێ دا كاروان باقی سكرتێرێ یانەیا شێلادزێ كەیفخوەشیا خوە دیار كر كو حوكمەتا هەرێما كوردستانێ و نڤێسیسنگەها رێكخستنا پارتی دیموكراتی كوردستان ل پارێزگەها دهۆكێ بەردەوام پشتەڤانن و ئەڤ جارە ژی ژی دلێ هەموو جەماوەر و وەرزشڤانێن یانەیێ و دەڤەرا شێلادزێ خوە شكریە، ئەڤچەندە ژی پێنگاڤە و پالپشتە بۆ پێشئێخستنا ئاستێ وەرزشێ.
زێدەتر ناڤهاتی بۆ رۆژنامەیا ئەڤرۆ گۆت: د دەمەكی دا ئەم د باردوخەكێ دارایێ یێ نەخوەش دا بووین و كۆمەكا قەرا ل سەر یانەیا مە هەبوون، لێ پشتی مە ئاریشا خوە گەهاندی ، ب خوەشحالی ڤە بەرێز سەربەست لەزگین بەرپرسێ نڤیسنگەها رێكخستنا پارتی دیموكراتی كوردستان ل پارێزگەها دهۆكێ ل هەوارا مە هات و ئاریشەیا مە چارەسەر كر و بڕیار دا پشكەكا باش ژ قەڕێن مە بهێتە دان ژلایێ وانڤە ئەڤچەندە ژی بارێ مە سڤكریە، هەروەسان بڕیا رجا ب دابینكرنا كوستەرەكێ بۆ تیمێن مە یێن وەرزشی دەمێ ئەنجامدانا چالاكییەكێ و تیما مە وەكو شاند بچیتە دەڤەرێن دی یێن كوردستانی، ئەڤ هەردو پشتەڤانییە بۆ مە گەلەك گرنگ بوو، مەزنترین ئاریشەیێن مە هاتنە چارەسەركرن.
هەروەسان كاروان باقی گۆت: هەردەم پارتی دیموكراتی كوردستان بۆ گەنج ولاوێن دەڤەرا شێلادزێ ب تایبەتی خوە كریە خودان و پشتا خوە نە دایە مە و ئەڤ پێنگاڤا پیرۆز یا چاڤەرێ كری بوو بهێتە هاڤێتن ژلایێ وان پێنەڤێت ئەڤێ بڕیارێ ئەم و جەماوەرێ وەرزشی یێ شێلادزێ دلخوەشكرینە، سوپاسیا پارتا خوە دكەین و یا لسەر مە ژی ئەرك دێ خزمەتێ كەین، ژبیر نەكەین كابینا نەهێ یاسەلماندی كو كابینەیا ئاڤەدانی و خزمەتێ یە، خوە ل هەموو تەخ و چینا دكەتە خودان، دیسان سەلماندیە ئەڤرۆ و سوباهی پالپشتن، ئێك ژ ئەوان پشتەڤانیێن كابینەیا نەهێ یا حوكمەتا هەرێما كوردستانێ بڕیارا بەرێز مەسرۆر بارزانی سەرۆك وەزیران یاریگەها سەردەمیانە بۆمە هاتییە دان پێخەمەت خزمەتا وەرزشا دەڤەرێ پتر بهێتە كرن و تایبەت یانەیا شێلادزێ و جەماوەر و حەز ژێكەرێن وێ دل خوەشكرینە، ئەم وەكو لاوێن دەڤەرێ و كارگێریا یانەیا شێلادزێ و یاریزان ڤە پشتەڤانیا خوە بۆ لیستا پارتی دیموكراتی كوردستان ڕادگەهینین، چونكۆ لیستا خزمەتێ و ئاڤەدانیێ و شەهیدانە شەڤ و رۆژ دێ ئەم ژی هاریكاربین و كاركەین بۆ سەركەفتنا لیستا 190 ئەوا دێ بەردەوام پاراستنا وەلاتێ مە كەت و بەر ب ئاینەیێ باشتر و پێشڤەچوونەكا زێدەتر بەت.
