نگێن خوه دێ پارێزین و كورسیین خوه ژى دێ زێده كه‌ین
ئامینا زكرى*
هه‌موو لایه‌نان فشاره‌كا زۆرا ده‌روونی یا لسه‌ر هه‌یى، ئه‌وا ب ئارامی و لسه‌رخوه‌یی كاردكه‌ت ب نتێ پارتی دیمۆكراتی كوردستانه. زۆرجاران پرسیارا وان ژى ئه‌و بیت، ئه‌رێ یا پارتی باوه‌ریبخوه‌بوونه یان هۆكاره‌كێ دیتره، بێگومان زۆرا یا ئاشكرایه كو پارتی پشتبه‌ستنا خوه لسه‌ر مێژوویه‌كا پڕ سه‌روه‌ری دكه‌ت، واقیعبینی و خوێندنه‌كا هویر یا سه‌رۆك و پێشڕه‌وێ مه جه‌نابی سه‌رۆك بارزانی ل پرسێن چاره‌نڤیسسازه و ئه‌و جه‌ماوه‌ره‌ێ كو خوه‌دیێ ئه‌ڤێ حزبێ یه و ئه‌و باش خوه دناسن و ب خوین و برینێن مه‌زنكریه و هه‌ر پارتیه‌ك خوه ب خه‌مخۆرێ پارتیا خوه دادنیت، سه‌ره‌راى كو ئه‌گه‌ر یێ دڵشكه‌ستى و ته‌نگاڤ ژى بیت ژ هنده‌ك كه‌سان.
ده‌رباره‌ى بانگه‌شێ هه‌تا نها مه بهیستیه كو بانگه‌شه‌یه‌كا ئارام یا بڕێڤه‌دچیت، ب پێچه‌وانه‌ی لایه‌نێن دیتر كو مه ده‌ست بۆ په‌لامار و هێرشان نه‌بریه و هیچ ده‌مه‌كى كارێ مه نینه بۆ هندێ د ده‌ستپێشخه‌ربین، پارتیا مه هنده‌ی سه‌روه‌ری هه‌یه كو دكارین بێی په‌لاماردانا كه‌سێ ژى كارێ خوه بكه‌ین.
لێ ئه‌وێن هه‌نێ ژى یێن كو په‌لاماریا مه دده‌ن بیردانكا وان یا باش نینه و دوهییا وان ل بیرا وان نه‌مایه و حسابا سوبه‌هى ژى ناكه‌ن، ئه‌ڤه‌یه جوداهیا پارتی كو هه‌رده‌م یا دووربین و ئارامه.
ئه‌م د ڤان هه‌ڵبژارتنان دا ژ بابه‌ته‌كى د پشتڕاستین، نه‌ك هێز و سه‌نگا خوه دپارێزین به‌لكو ژماره‌یا كورسیێن خوه زێده دكه‌ین و ب هێز ڤه دچینه به‌غدایێ و هه‌تا دوماهیێ شه‌ڕێ مافێن ده‌ستووریی یێن گه‌لێ خوه دكه‌ین و ئه‌م به‌غدا راده‌ستی خه‌لكه‌كێ لاواز ناكه‌ین، هه‌تا تشته‌ك ب ناڤێ كێشێن هه‌رێمێ و به‌غدا هه‌بیت، دڤێت پارتی ده‌مڕاست و خوه‌دى قه‌زیه بیت، هه‌روه‌سا ئه‌گه‌ر لایه‌نه‌كێ دیتر ژى خه‌ما گه‌ل و ملله‌تى بێخیته پێش هنده‌ك بابه‌تێن دیتر، ئه‌و یا ژ پارتی نێزیكه و هه‌ڤهزرا مه‌یه.
كرمانجیكرن/ ئه‌ڤرۆ
*ئه‌ندامی لێژنا باڵا یا هه‌ڵبژارتنێن پارتی دیمۆكراتی كوردستان
