فلفلا ھار چەکەکێ سێربەندە بۆ چارەکرنا پەنجەشێرا پرۆستاتا

ئەڤرۆ نیوز:
کەرستێ کاپسیسین یێ د ناڤ فلفلا ھار دا، گەلەک مفایێن پزیشکی و ساخلەمی تێدا ھەنە. ڤەکۆلینەکێ نوو اشکرا کریە ئەو کەرستە یێ ھاریکارە بۆ چارەکرنا پەنجەشێرا پرۆستاتا، لێ ئەو چەند چاوا چێدبیت؟ پێگوھۆرک ی چیە بۆ وان کەسێن نەشێن فلفلا ھار بخۆن؟
فلفلا ھار پێکھاتەیەکێ چالاک د ناڤ دا ھەیە دبێژنێ کاپسیسین، ئەو کەرستەیە فلفلێ ھار دکەت، ئەو کەرستەیێ بێ رەنگ و بێھنە، گەلەک مفایێن پزیشکی ھەنە، ئەو ژی: چارەیە بۆ گەلەک نەخۆشیێن سەردەم، رێژا کولیسترۆلی و شەکرێ د خوینێ دا کێم دکەت، شیانێن سیکسی زێدە دکەت، مەعیدەی دپارێزیت، سەنگێ کێم دکەت، زێدەباری کوشتنا شانێن پەنجەشێرا پرۆستاتا.
ڤەکۆلینەکا ل سەر گیانەوەران ئاشکرا کر، قەبارێ وەرمینا پەنجەشێرا پرۆستاتا کێم دکەت بۆ ئێک ژ پێنجێ.
تیمەکێ نۆشداری ل بنگەھێ سینای یێ نۆشداری ل لوس ئەنجلوس و زانکۆیا کالیفۆرنیا ڤەکۆلینەک ئەنجام دا، بۆ وێ چەندێ کارتێکرنا کاپسیسینی ل سەر شانێن پەنجەشێرا پرۆستاتا بزانن، ئەو ژی ب رێیا تاقیکرنان ل سەر مشکان. شانێن پەنجەشێرا پرۆستاتا یێن زەلامان ھاتبوونە بکارئینان، ئەنجام د حێبەتی بوون، ئەو وەرمین بچووک کر بۆ قەبارێ ئێک ژ پێنجێ.
ئێک ژ بەرھەڤکەرێن ڤەکۆلینێ ئاشکرا کر، کاپسیسین یا ھاریکار بوو بۆ سڤککرنا وەرارا وەرمینا پەنجەشێرا پرۆستاتا د وان شانان دا یێن ژ مرۆڤان ھاتینە وەرگرتن و بەربەلاڤبوونا وێ راوەستاند، ئاشکرا ژی بوو، کپسیسین بەرنامێ خوەکوشتنا شانان چالاک دکەت.
بۆ قەبارێ پیدڤی ژی کا مرۆڤ چەند پێدڤیە فلفلا ھار بخۆت، ڤەکۆلینێ چو بەرسڤێن دروست نەدان، ل دووڤ تاقیکرنا ل سەر مشکان ھاتیە کرن، زەلامێ سەنگێ وی 90 کیلۆ بن، پێدڤیە رۆژێ دەە کتێن فلفلا نوو بخۆت. ئەوێ نەشێن فلفلێن ھار ژی بخۆت، یا باش ئەوە کەپسولێن کاپسیسینی بخۆن.

کۆمێنتا تە