نھێنیێن ژیانا خوە ئاشکرا کرن
ئه‌ڤرۆ نيوز:
ھونەرمەندێ نڤدارێ چینی و جیھانی جاکی شان، ھوورکاریێن ژیانا خوە و پەیوەندیێن د گەل ژنان و پارەی و خوارنێ ئاشکرا کرن و دانپێدان ژی کریە کو حەز ژ ژنان و خوارنێ دکەت.
جاکی شان بیروەریێن خوە د پرتووکەکێ دا ب ناڤێ Never Grow Up نڤیسینە کو ل بەرە دەمەکێ نێزک بکەڤیتە بەر دەستێ خواندەڤانان، تێدا ئاشکرا ژی کریە، ب شێوەیەکێ خراب سەرەدەری د گەل ژنان کرینە.
جاکی شان ئاشکرا ژی کریە، ئەو کەسەکێ توند و تۆرە بوو، ھەروەسا بابەکێ خراب بوو و ب خرابی سەرەدەری د گەل کۆڕێ خوە کریە.
جاکی شان ژیێ وی نھا 64 سالە، دانپێدان کریە کو د گەل ژنێن لەشفرۆش دا نڤستیە و گەلەک حەز ژ مەی ڤەخوارنێ دکەت، ھندەک جاران ژی ب سەرخششی ترومبێل ھاژۆتیە و چەندین روودانێن ھاتووچوویێ ژی کرینە.
ل گۆرەی گۆتنا جاکی شانی، سەرەدەریەکا خراب د گەل ھەڤالا خوە یا ئێکێ کریە، چونکو ھەموو دەمان مژوولی ڤەخوارنا مەیێ و قومارێ بوو.
دیار ژی دکەت، د گەل ھەڤژینا خوە یا ئێکێ ژی دەست ژ وان کار و رەفتاران بەرنەدایە و د گەل شاھجوان بەرێ یا ئاسیا خیانەت کریە.
