نۆشداره‌كێ رۆسی: ب رێیا چاڤان گه‌له‌ك نه‌خۆشی دهێنه ده‌ستنیشانكرن
د.دمیتری دیمینتیڤ، نۆشدارێ نه‌خۆشی و نشته‌رگه‌ریێن چاڤان دیاركر چاڤ قودیكا گیانی نه، به‌لێ كێم كه‌س دزانن كو چاڤ قودیكا هه‌موو له‌شینه.
د هه‌ڤدیتنه‌كا تێله‌فزیونی دا ئاماژه دا، ب رێیا چاڤی دشیاندایه ره‌وشا ساخله‌میا ئه‌ندامێن له‌شی بهێته ده‌ستنیشانكرن، چاڤ ئێكه‌م تشته مرۆڤ بشێت بلندبوونا ئاستێ كولیسترولی د له‌شیدا ب رێیا وی بزانیت و دبێژیت: ده‌مێ مرۆڤ دگه‌ل نه‌خۆشی دئاخڤیت نۆشدار دشێت تێبینیا كۆمڤه‌بوونێن روینی ل مژوولانكێن چاڤی بكه‌ت، هه‌كه نه‌خۆشی بلندبوونا كولیسترولی هه‌بیت دی بنه ئه‌گه‌ر مووده‌مارێن چاڤی بهێنه‌گرتن.
هه‌روەسا دیاربوونا كڤانه‌كێ شین ل دۆر قه‌ره‌نیا چاڤی ئاماژه‌یه بو بلندبوونا ئاستێ كولیسترۆلی د خوینێ دا و ب تایبه‌ت ل ده‌ڤ دانعه‌مران.
هه‌روه‌سا ئاماژێ دده‌ت، نه‌خۆشیا شه‌كرێ دبیته ئه‌گه‌رێ تاریكرنا عه‌ده‌سا چاڤی و وێنه دێ شێلی بیت، ئانكو نۆشدارێ چاڤان دشێت نه‌خۆشیا شه‌كرێ ده‌ستنیشان بكه‌ت و ڤه‌گوهێزیته نۆشدارێ تایبه‌تمه‌ند.
هه‌روه‌سا هشكبوونا چاڤی نیشانا كێمبوونا ڤیتامین ئه‌ی و كێمیا هه‌وایێ پاقژ و وه‌ستیانێ یه.
له‌ورا باشتره ڤیتامین ئه‌ی بو قه‌ره‌بووكرنا وان كێماسیان بهێته خوارن.
هه‌روه‌سا پێدڤیه كه‌رستێن خوارنێ یێن كو ژ ئومیگا 3 و گێزه‌را پێك دهێن ل سه‌ر سیسته‌مێ خوارنێ زێده‌بكه‌ی.
