نۆشداره‌ك به‌حسێ هه‌ودانا گوهێ ناڤێن ده‌ڤ نه‌خۆشان دكه‌ت
ئه‌ڤرۆ، له‌زگین جوقی:
تایبه‌تمه‌نده‌كێ دفن و گوه و گه‌وریێ دیاركر كو هه‌ودانا گوهێ ناڤین پتر ل ده‌ڤ زارۆیان دروست دبیت، به‌لێ هنده‌ك جاران مرۆڤێن مه‌زن ژی تووشی ڤێ نه‌خۆشیێ دبن هه‌كه زوو چاره‌سه‌ر نه‌كه‌ن، دبیت په‌ردا گوهی ب په‌قیت.
د. رێبه‌ر محه‌مه‌د خه‌لیل، تایبه‌تمه‌ندێ دفن و گوه و گه‌وریێ دیاركر كو ئه‌و نه‌خۆشیا ژ دفنێ سه‌ر بكه‌ڤیت هه‌ودانا گوهێ ناڤین، ئه‌ڤه پتر ل ده‌ڤ وان زارۆیان په‌یدادبیت به‌رێ بچنه قوتابخانی دبیت زڤستانه‌ك ده‌رباز بیت ئه‌و زارۆك تووشی هه‌ودانا گوهێ ناڤێن بن ئاموژگاری ل خه‌لكێ خۆ دكه‌ن هه‌ر كه‌سه‌كێ گوهێ وی گران ببیت، ئیكسه‌ر قه‌ستا نوشداری بكه‌ت، چونكو هه‌كه نه‌خۆش گیرۆببیت دبیت په‌ردا گوهێ نه‌خۆشی ب په‌قیت و دێ چاره‌سه‌رێ پیچه‌كێ زه‌حمه‌ت تر بیت، له‌ورا ئاموژگاریان ل خه‌لكێ خوه دكه‌ین زوو قه‌ستا نوشداران بكه‌ن ده‌مێ گوهێن وان گران دبن”.
ئاشكه‌را كر كو:” ئه‌و كه‌سێن گوهێن وان گران دبن، پاشی تووشی گوه ئێشانێ دبن و ئه‌گه‌ر ژی په‌ردا گوهێ وان كۆن ببیت و عه‌داڤ ژ گوهێ نه‌خۆشی بهێت، به‌لێ چاره‌سه‌ری دهێته كرن ئه‌م ده‌مێ ڤان نه‌خۆشان دبینین ئێكسه‌ر چاره‌سه‌ر دكه‌ین”.
د. رێبه‌ر محه‌مه‌د خه‌لیل، گۆتژی:” ئه‌و كه‌سێن داركا دكه‌نه د گوهێن خوه‌را و په‌ردا گوهێ وان دپه‌قیت ئه‌ڤه یا جودایه دگه‌ل نه‌خۆشیا هه‌ودانا گوهێ ناڤێن كو هه‌ودان و په‌رسیڤ ژ دفنێ سه‌ر بكه‌ڤیت لێ داركێن گوه هه‌موو دخرابن ئه‌و داركێ بۆ گوهی دهێته بكارئینان چو په‌یوه‌ندی ب زانستی ڤه نینه و كاره‌كێ بازرگانی یه ئه‌م ئاموژگاریان ل خه‌لكێ خوه دكه‌ین خوه ژێ دوور بكه‌ن”.
