نۆشدارێ كورد غازی زێباری د ناڤ لیستا (باشترین نۆشدارێن 2025 ل ئەمریكا) دایە
ناڤێ نۆشدارێ كورد پروفیسۆر د. غازی زێبازی ئەوێ ئاكنجی ل ویلایەتێن ئێكگرتی ژ سالێن حەفتێیان ژ چەرخێ بۆری د ناڤ لیستا «باشترین نۆشدارێن سالا 2025 ل ئەمریكا» دایە، ئەو لیستا ژ ئەمریكا دەركەفتی، كو تێدا رۆناهیێ ددەتە سەر گرنگترین شیانێن نۆشداری ل سەرانسەری ویلایەتێن ئێكگرتی.
د. غازی زێباری د پۆستەكێ ئەكاوەنتێ خۆ یێ فێسبووكی دا دبێژیت: «یا ب زەحمەت نینە ل ویلایەتێن ئێكگرتی، تو كەسەكێ نایاب بی، ئەڤە بۆ مامۆستا و سەرپەرشت و خێزان و نەخۆش و هەڤال و نەخۆشێن من، ئەوێن باوەری دایە من، چاڤدێریا وان بكەم، ڤەدگەڕیت».
لیستا «باشترین نۆشداران» ئێك ژ بەرچاڤترین ئالاڤێن هەلسەنگاندنا نۆشداری یە ل ویلایەتێن ئێكگرتی و پشتبەستنێ ل سەر هەلبژارتن و سەرەدان و دەستكەفتێن پیشەیی د نۆشداریێ دا دكەت.
