نیبار ئهحمهد: كاودانێن دارایی نابنه ڕێگر ههمبهر ئارمانجێن من
ئهڤرۆ،
د دیدارهكا كورت دا نیبار ئهحمهد یاریزانێ ههلبژارتیێ ئیراقێ و یانا دهۆك بۆ یاریا تهپا مێزێ دیاركر ئهو یێ بهرههڤیا بۆ پشكداریێ د قارهمانیێن عهرهبی و نێڤدهولهتی دا بكهت و ناهێلیت كاودانێن دارایی ببنه ڕێگر ههمبهر ئارمانجێن وی.
زێدهتر ناڤهاتی بۆ رۆژناما ئهڤرۆ گوت: پشتی ب فهرمی هاتیمه داخازكرن بۆ ناڤ رێزێن ههلبژارتیێ ئیراقێ دا ژبهر ئهنجام و دهستڤه ئینانا رێزێن پێشیێ د قارهمانیا ئیراقێ دا نوكه مژیلی خوه بهرههڤكرنێ مه بۆ ههر قارهمانیهكا داهاتی ل گهل ههلبژارتیێ ئیراقێ پشكداربم تایبهت یێن نێڤدهولهتی و عهرهبی، ئهڤه ژی نه چارا ئێكێ یه دهێمه داخازكرن بهلكو ل سالێن 2012 ههتا 2014ێ پشكداری كریه و ئهنجامێن باش ب دهستخوهڤه ئیاینه لهورا بۆ وهرزێ نوو دێ بشێوهكێ باشتر و ڕێكخستی بهرههڤیا كهم پێخهمهت وهكو یاریزانهكێ كورد و پارێزگههێ رێزێن ئێكێ ب دهستڤه بینم.
ژلایهكێ دووڤه ناڤهاتی ئهوچهنده ژی دیاركر كو ئارمانجێن مهزن ههنه و ناهێلیت گڤاشتنێن دارایی و كاودانێن نه چاڤهڕێكری كارتیكرنێ ل وی بكهن و دێ لدووڤ شیانا ههموو بزاڤا كهت ب گههیته ئارمانجا خوه و هیڤی خواست پشتهڤانی بۆ ڤێ یاریێ ههبیت و گوت: یاریزانێ یانا دهۆكێ مه و ههتا دووماهی كاروانێ خوه یێ وهرزشی دێ خزمهتا یانا خوه كهم ئهوا ههردهم پشتهڤان بوویه و ماندیبوونا راهێنهرێ خوه بشار رهمهزانی ژ بیرناكهم ئهوێ بوویه ئهگهر بگهینه ڤی ئاستی و گهشبینم سهر دهستێ وی بهردهوام یاریزانێن باش دهێنه دیتن.