نیبار ئهحمهد: ل دهۆكێ گرنگی ب یاریا تهپا پێی و باسكێت بۆلێ دهێته دان
ئهڤرۆ، ههرهین محهمهد:
د دیدارهكێ دا نیبار ئهحمهد یاریزانێ نێڤدهولهتی یێ تهپا سهرمێزێ بۆ رۆژناما ئهڤرۆ دیاركر گهلهك یانا داخاز ژێ كربوو و ب خوهشحالی ڤه من یاری بۆ كریه و نوكه یاریزانێ یانا دهۆكێ مه و هندی بشێم و ژیێ من بهردهوام بیت بۆ ڤێ یانێ یاریێ كهم.
زێدهتر ناڤهاتی گۆت: مه گهلهك یاریزان ل یانا دهۆك یێن ههین ههكه پشتهڤانی لێ بهێته كرن دێ پێشكهڤن و گههنه ئاستێ ههلبژارتیێ ئیراقێ و دێ ههڤركیا یاریزانێن باش كهن، لێ ههكه پشتهڤانی بۆ نههێته كرن دێ ئهو یاریزانێن خودان شیان بهرزهبن .
نیبار ئهحمهدی ژی گۆت: ب شێوهكێ گشتی گرنگیهكا مهزن ب یاریا تهپا پێی و باسكێت بۆلێ دهێته كرن و ئهگهرێ نه گرنگیی دانێ ب یاریا تهپا سهرمێزێ و یا خویایه كارگێریا یانێ یه و داخازا مه ژ كارگێریێ ئهوه پشتهڤانیا ههموو یاریان بكهن بێ جوداهی و ئهڤه چهندین ساله ژی گازندا مه ئهڤهیه و یاریزانێ تهپا سهرمێزی پێدڤی هندهك كهلۆپهلێن تایبهت ب یاریێ ڤه ههنه و دیسان پێدڤی ب دهركهفتنا ههیه بۆ كهمپێن راهێنانی و پشكداریكرن د قارهمانیان دا پێخهمهت ئهو یاریزان پێشكهڤیت ب گههیته ئاستێن بلند.
