نیشانێن پیراتیێ ل ڤى ژى ده‌ست پێ دكه‌ن
ئه‌ڤرۆ نيوز:
ڤەکولەران شروڤەکرنەک دا ل سەر لەشێ مرۆڤی دناڤ کۆمەکێ دا کو ژ 954 کەسا پێکھاتبوو ل وەلاتێ نیوزلەندا ل سالێن 1972 و 1973 دا ژدایک ببوون.
ل دووڤ ئەنجامێن ڤەکولینێ دیاردبیت کو نیشانێن دەستپێکێ یێن پیراتیێ ل ناڤەراستا سالێن بیستان دا پەیدادبن، ئەڤەژی ل دووڤ ڤەکولینەکا نوو یا ئەمریکی، کو ئەنجامێن وێ ل گوڤارا ( بروسیدیگز ئوف زی ناشیونال ئەکادیمی) دا ھاتبوونە بەلاڤکرن.
ڤەکولەران ئەنجامێن کومەکا پێکھاتی ژ 954 کەسێن ل سالێن 1972 و1973ێ ژ نیوزلەندا ژدایکبووی شروڤەکرن کو پێکھاتبوون ژ شروڤەکرنا جگەرێ و مێلاکێن سۆر و ددانا و کوئەندامێ بەرگریێ ل دەڤ کەسێن د عەمرێن 26 و 32 و 38 سالیێ دا.
ڤەکولەران ژیێ 38 سالی وەکو ژیەکێ بایولوجی بۆ ھەر پشکدارەکی دەستنیشانکر و ل وی ژی ئاستێ پیراتیێ ل دەڤ ھندەک کەسا نێزیکی یێ ژیێ بەری 30 سالیێ بوو، پشتی گەلەک ب ھووربینی بەرێخودان ل پیراتیێ ھاتیە کرن ڤەکولەران دیت کو نیشانێن پیراتیێ و پاشڤەچوونا ساخلەمیا مرۆڤی ل ژیێ 26 سالیێ دەستپێ دکەن.
