نیشتمانی ئۆقره‌یی
شه‌ماڵ باره‌وانی
هه‌تا كه‌ی ته‌نیایی كۆكه‌مه‌وه
و
پروشه‌ی بارانی خه‌م بژمێرم
هه‌تاكه‌ی
دۆستی دڵ ته‌نگی بم و
له گه‌ڵ قه‌ڵه‌قی ڕابوێرم
خودایه
ئه‌و شه‌پۆڵی ئازاره
كه ده‌بڕێته‌وه
و
ئه‌و
كۆتری سه‌رگه‌ردانیه‌م
كه‌ی
له نیشتمانی
ئۆقره‌یی ده‌گیرسێته‌وه؟
خودایه..
ئه‌و دابڕانه زۆری كێشاو
ئه‌و تلانه‌یه‌وه
هه‌ر نه‌بڕایه‌وه
ئه‌و دڵه‌ی من
هه‌ر له ناو قه‌فه‌سی دڵشكان مایه‌وه
هه‌تا كه‌ی به‌رماڵی عیشقم بێ ناز و
و
نزای چاوه‌ڕوانیم
بێ كه‌س بێ
تكایه خودایه
ئه‌و دووری و فیراقه
ده‌با به‌س بێ.
