نیهاد حەمدی: لاوێن زاخۆ شیانێن ناسناڤێ ئیراقێ یێن هەین
عەلی حاجی:
د داخویانیەکێ دا ڕاهێنەرێ تیما لاوێن زاخۆ بۆ رۆژنامەیا ئەڤرۆ دیار کر وان شیا حنێرەکا مەزن ل ئیراقێ بینن و دەربازی یارییا دووماهیێ ژ خولا ئیراقێ ببن.
زێدەتر نیهاد حەمدی گۆت: د دەمەکێ دا من ئەرکێ ڕاهێنەرایەتییا تیما زاخۆ یا د بن ژیێ ١٩ سالیێ دا وەرگرت ژ هەمی روویەکێ ڤە تیم د رەوشەکا گەلەک خراب دا بوو، هەر زوو ب شێوەیەکێ باش من سەرەدەری دگەل ڤێ تیمێ کر و من شیا بگەهینمە یاریا دووماهیێ ژ خولا ئیراقێ، ئەڤە ژی دەستکەڤتیەکێ مەزنە بۆ ڤێ تیمێ ژبەرکو د پاشەرۆژێ دا دێ خزمەتەکا باش بۆ یانەیا زاخۆ و هەلبژارتیێن کوردستان و ئیراقێ کەت.
ناڤبری گۆت ژی: چاڤێ مە یێ ل کوپا خولا ئیراقێ و ئەم ژ هەژیترین تیمن بۆ ب دەستڤە ئینانا ناسناڤی و شیانێن ناسناڤی یێن هەین و من باوەرییەکا مەزن ژی ب تیما خوە هەیە کو دێ خەونێ کەنە ڕاستی و ناسناڤی ئینە زاخۆ.
