نێتفلێكس ملیۆنه‌ك و 300 هزار پشكدارێن خوه ژ ده‌ست دان
ئه‌ڤرۆ، زانست:
تۆڕا سینه‌مایی یا جیهانی نێتفلێكس راگه‌هاند كو ئه‌وێ د ماوێ سێ هه‌یڤێن بوری دا، ملیۆنه‌ك و 300 هزار پشكدارێن خوه ژ ده‌ست دا.
بۆ جارا ئێكێ یه هه‌ر ژ دامه‌زراندنا تۆڕا نێتفلێكسێ و هه‌تا كو د ماوێ سێ هه‌یڤان دا ل شوونا زێده‌بوونا پشكداران، نێتفلێكس پشكدارێن خوه ژ ده‌ست بده‌ت ب ره‌نگه‌كی ل ئه‌مریكا و كه‌نه‌دا ل سێ هه‌یڤێن دویێ یێن ئه‌ڤ ساله ملیۆنه‌ك و 300 هزار پشكدار ژ ده‌ست داینه.
ل ڤێره رۆلێ وێ ستراتیژیه‌تێ دهێت ئه‌وا رێ دده‌ته نێتفلێكس كو ژ جهێ خوه ده‌ركه‌ڤیت و جاره‌كا دی پشكدارێن وێ گه‌شێ بكه‌ن ل سه‌ر تۆڕا وێ، هه‌ر چو نه‌بیت ئه‌ڤه ئه‌وه یا وان باوه‌ری پێ هه‌ی كو ریكلام د ناڤ فلمان دا بهێنه نیشان دان و چه‌نده‌ك ژ بهایێ پشكداریا هه‌یڤانه بهێته كێمكرن كو بڕیاره ل سالا 2023ێ ئه‌ڤ دانه بكه‌ڤیته كاری، به‌لێ هێشتا ژڤانێ رۆژێ نه‌هاتیه دیاركرن.
ل سه‌ر نێتفلێكس پێدڤیه دانوستاندنێ ل سه‌ر گرێبه‌ستێن بهایی ل گه‌ل خودانێن ستودیۆیان بكه‌ت ل دۆر به‌لاڤكرنا به‌رنامه و فلمێن وێ ب گۆره‌یی پشكداریه‌كا كێم و یا پشته‌ڤانیكری ب رێیا ریكلامان.
كۆمپانی یا گه‌شبینه كو ب رێیا هاتنا ریكلامان دێ بهایێ پشكداریێ كێم بیت و ب ڤێ چه‌ندێ دێ ژماره‌كا زۆرا پشكداران ڤه‌گه‌رنه ڤه ژ به‌ر بهایێ وێ یێ كێم. دده‌ته زانین ژی كو رێژا به‌رێخودانێ ل ئه‌مریكا بۆ بلندترین ئاست زێده بوویه.
ل ڤان پێنج رۆژێن دووماهیێ بهایێ پشكێن نێتفلێكس ب رێیا 20% زێده‌بوویه ب تایبه‌ت پشتی به‌حسێ هه‌ڤپشكیا كۆمپانیا ناڤبری ل گه‌ل مایكرۆسۆفت هاتیه كرن بۆ وه‌رگرتنا ریكلامان، هه‌ر چه‌نده به‌حس ل وێ چه‌ندێ ژی دهێته كرن كو دبیت مایكرۆسۆفت ب ئێكجاری ده‌ستی َخوه بدانیته سه‌ر نێتفلێكس.