نێرگز حه‌سه‌ن: من ده‌ست ژ راگه‌هاندنێ نه به‌ردایه
دهۆك، هه‌رهین محه‌مه‌د:
نێرگز حه‌سه‌ن، پێشكێشكارا به‌رنامێ سپێده‌باش ل رادیۆیا دهۆك، د دیداره‌كێ دا بۆ رۆژناما ئه‌ڤرۆ دیاركركو راسته ئه‌ڤه ده‌مه‌كه ئه‌و ژ رادیۆیێ دووركه‌فتی یه و موله‌ت وه‌رگرتیه ژبه‌ر چه‌ند ئه‌گه‌رێن تایبه‌ت و ب ئانه‌هیا خودێ جاره‌كا دی دێ زڤریته ل سه‌ر كارێ خوه.
نێرگزێ گۆت: دو تیڤیان داخاز ژمن كرن كو ل گول وان كاربكه‌م، به‌لێ من ره‌تكرن، ژبه‌كو دڤێت مرۆڤ پتر خوه ب وه‌ستینت و من ئه‌و ده‌م نینه و حه‌زدكه‌م ده‌مێ كاره‌كی بكه‌م حزمه‌ته‌كێ بكه‌م و ده‌مێ خوه هه‌موویێ بده‌مه وی كاری، دیسان خودان سێ زارۆكم و دژیه‌كی دانه پێدڤی گرنگیێ نه و هاریكاریا وان بكه‌م، چونكۆ زارۆك مه‌زنترین دیاری یه خودێ داینه و دڤێت ب دروستی ب په‌روه‌رده‌كرنا وان رابم و من گه‌له‌ك كاركرینه وه‌كو كارێ دوبلاژێ و گه‌له‌ك كارێن دی و من هه‌موو كار نوكه هێلاینه ژ پێخه‌مه‌ت زارۆێن خوه و راگه‌هاندنێ وه‌ل من كر پتر ل سه‌ر خوه كاربكه‌م و من گه‌له‌ك حه‌زژ بابه‌تێن جڤاكی دكر، به‌لێ راگه‌هاندنێ وه ل من كر پێزانینێن خوه ل سه‌ر هه‌ربابه‌ته‌كی زێده‌بكه‌م ئه‌ڤه هه‌موو راگه‌هاندنێ دایه من و كا من چ دایه راگه‌هاندنێ ئه‌ڤ تشته ل سه‌ر گوهداران دمینت ئه‌و دێ بڕیارێ ده‌ن.
