نێزیكبوونا بهار و نهورۆزێ بازارێ جلكێن كوردی گهرمكریه
ئاكرێ، رهمهزان زهكهریا:
دگهل نێزیكبوونا وهرزێ بهارێ و هاتنا نهورۆزێ، بازارێ جلكێن كوردی گهرمبوویه و پتر ژ وهرز و رۆژێن ئاسایی خهلك جلكا دكرن، ب تایبهت جلكێن كوردی كو ئهڤه بوویه كۆلتۆر سالانه ل ههیڤێن ئادار و نهورۆزێ وهلاتی پتر جلكێن كوردی دكهن بهرخۆ.
شێروان سلێمان گهنجهكه جلكێن كوردی داینه رادان بۆ نهورۆزێ بۆ ئهڤرۆ گۆت: سالانه ل وهرزێ بوهارێ تاخمهكێ جلكێن كوردی دهمه دوورین ئهڤساله ژی من قوماش بهرههڤكریه بۆ دوورینی كو بۆ نهورۆزێ بهرههڤ ببن، سالانه ب تنێ ل ههیڤا ئادارێ جلكێن كوردی دكهمهم بهخۆ ههیڤێن دیتر ناكهمێ، لهوما ژی سالانه ب تنێ ل ههیڤا سێ دكهم بهرخۆ، بهلێ گرنگه گهنج وهك كهسێن دانعهمر جلكێن كوردی بكهن بهرخۆ.
عهلی محهممهد، فروشیارهكێ جلكێن كوردی ل ئاكرێ بۆ ئهڤرۆ راگههاند: سالانه ل وهرزێ بههارێ خواست ل سهر كرینا جلكا ب گشتی زێده دبیت بۆ كرینا جلكێن كوردی یێن رهنگاو رهنگ، رۆژانه خهلكهكێ زۆر قهستا بازاری دكهن، ئهڤ ساله پرانیا رهنگا دهێنه فروتن، ل چاڤ سالێن بۆری بازار خوشتره، ژ بهر كو رهوشا وهلاتیا ژلایێ ئابووری ڤه باشتره و مۆچه ل دهمێ خوه دا دهێنه دابهشكرن، ڤێ چهندێ ژی بازار خوش كریه، ب تایبهت یێ جلكێن كوردی.
سهباح سادق، بهرگدورهكێ جلكێن كوردیه بۆ ئهڤرۆ گۆت: ئهڤساله پتری سالێن بووری من جلك دورینهو دهمێ چهند رۆژایه وهرگرتنا جلكا بۆ دوورینێ من راگرتیه، هژمارهكا زورا تاخمێن جلك ههنه ل دهف من بۆ دروونێ و ل بهر زۆریا قوماشی ل بهر دهستێ من وهرگرتن راگرتینه شهڤ رۆژ د درووم، ههتا ڤێرا دگههم و بۆ نهورۆزێ ب دووماهی بینم، ئهڤ ساله خواست پتر بووه ل سهر جلكێن كوردی ب تایبهت تهخا گهنجان.