نێزیكی سێ هزار دولاران هاتنه كومڤه كرن بۆ مالا بێ سه‌میانان ل زاخۆ
ئه‌ڤرۆ نیوز،عه‌لی حاجی :
زانكویا بریتانی ل نیو زاخۆ بۆ سالا سیێ ل دووڤ ئێك رابو ب سازكرنا ماراسونه‌كێ بۆ زێده‌تری 400 قوتابیێن كچ و كوران ل پارێزگه‌ها دهوكێ ب مه‌ره‌ما پشته‌ڤانی كرنێ ل مالا بێ سه‌میانان ل زاخۆ پشكدار بون و كوژمه‌یه‌كێ پاره‌یی هاته كومڤه كرن .
براون میمی سه‌رپه‌رشتێ ماراسونێ ئه‌ڤرۆ نیوز دیار كر ئه‌ڤ كاره‌ب هه‌ڤكاری دگه‌ل قوتابخانه‌یا مه یا بریتانی ل باژێرێ دهوكێ و كومپانیا راست هاته ئه‌نجام دان ، دو ماراسون هاتنه ئه‌نجام دان ماراسونا ئێكێ تایبه‌ت بوو بۆ زاروویان كو تێدا 200 زاروویان پشكداری تێدا كر و ماراسونا دووێ ژی نێزیكی 200 كچ و كوران ل سه‌ر ئاستێ پێشكه‌ڤتیان هاته ئه‌نجام دان، ب دل خوه‌شی ڤه هه‌تا نوكه نێزیكی سێ هزار دولاران ژ داهاتێ ڤێ ماراسونێ هاتنه كومڤه كرن و هه‌ر دیسان زانكویا زاخۆ ژی ب داهاته‌كێ باش پشكداری دڤی پروژه‌یێ مه دا كر و دهێته چاڤه‌رێكرن ئه‌ڤ كوژمێ پاره‌یی زێده‌تر ببیت و ل دووڤ را ئه‌و داهاته راده‌ستی مالا بێ سه‌میانان ل زاخۆ بهێته كرن ب مه‌ره‌ما پشته‌ڤانی وان زارویێن بێ سه‌میان كو ل وێرێ دژین .
گوت ژی : ئه‌ڤه بۆ سالا سیێ یه ل دوڤ ئێك ئه‌م ب ڤی كاری رادبین و نێزیكی شه‌ش هه‌یڤا ئه‌م ب ڤی پروژه‌یی ڤه مژیل بوین و ب خوه‌ش حالی ڤه ژی ئه‌ڤرۆ ئه‌ڤ پروژه ب سه‌ركه‌ڤتیانه كارێن خوه ده‌ست پێكر و پرانیا كه‌سێن پشكدار بوین ژی ب كوژمه‌یه‌كێ پاره‌یی پشكداری د وێ چالاكیێ دا كرن .
