نێزیكی سێ هزار و 400 ته‌نێن كه‌لوپه‌لان هاتنه ژناڤبران و ڤه‌گه‌ڕاندن
ئه‌ڤرۆ:
پشكا په‌یوه‌ندی و راگه‌هاندنا رێڤه‌به‌ریا ده‌رگه‌هێ نێڤده‌وله‌تی یێ ئیبراهیم خه‌لیل دیار كر، د ده‌مێ دوو هه‌یڤان دا سێ هزار و 389 ته‌ن و 842 كیلۆگرام كه‌ره‌سته‌یێن جوراوجور هاتینه ژناڤبرن و ڤه‌گه‌ڕاندن.
پشكا په‌یوه‌ندی و راگه‌هاندنا رێڤه‌به‌ریا ده‌رگه‌هێ نێڤده‌وله‌تی یێ ئیبراهیم خه‌لیل ئاشكرا ژی كریه كو ئه‌و كه‌لوپه‌له ل تاقیگه‌هـ و لژنه‌یێن په‌یوه‌ندیدار یێن سه‌ر ب رێڤه‌به‌ریا ده‌رگه‌هێ نێڤده‌وله‌تی یێ ئیبراهیم خه‌لیل نه‌هاتنه په‌سه‌ند كرن، له‌و پشكه‌ك ژ وانا هاتینه زڤڕاندن و پشكه‌ك ژی هاتینه ژناڤبرن، ژ به‌ركو ئه‌ڤ كه‌لوپه‌له دگه‌ل رێنمایێن حوكمه‌تا هه‌رێما كوردستانێ نه‌دگۆنجان.
ئاماژه ب وێ چه‌ندێ ژی كریه كو ئه‌و كه‌ره‌سته ژ كه‌لوپه‌لێن (كوزماتیك، ساخله‌میێ، خوارن و ڤه‌خوارن، ڤێتێرنه‌ری، چاندن، بیناسازی و…هتد پێكهاتبوون.
