نێزیكی 10 سه‌نتیمه‌ترێن به‌فرێ ل سه‌رزێری بارینه‌

به‌رواری بالا، زنار تۆڤی:

ل شه‌ڤا بۆری پێله‌كا سه‌رمایێ پرانیا ده‌ڤه‌رێن پارێزگه‌ها دهۆكێ ڤه‌گرت و د ئه‌نجام دا پێله‌كا به‌فرێ ناحیا كانی ماسێ یا سه‌ر ب قه‌زا ئامێدیێ ڤه‌ ڤه‌گرت و هه‌تا دروستكرنا ڤی نووچه‌ی حه‌فت سه‌نتیمه‌ترێن به‌فرێ ل خالا گۆمرگی یا سه‌رزێری بارینه‌ و سه‌قایێ وێ ده‌ڤه‌رێ گه‌له‌ك ساربوویه‌، هه‌روه‌سا رێیا هاتنوچوونێ ژ به‌فرێ هاتیه‌ رامالین و هاتنوچوونا وه‌لاتیان ل خالا گۆمرگی یا سه‌رزێری یا ئاسایی یه‌.

مسته‌فا ئه‌حمه‌د، ژ هۆبا چاندنا كانی ماسێ بۆ رۆژناما ئه‌ڤرۆ دیار كر، ل شه‌ڤا بۆری پێله‌كا به‌فرێ ده‌ڤه‌را كانی ماسێ ڤه‌گرت و د ئه‌نجام دا بۆ جارا ئێكێ د ئه‌ڤ ساله‌ دا به‌فر ل خالا گۆمرگی یا سه‌رزێری باری و حه‌فت سه‌نتیمه‌ترێن به‌فرێ ل وێ خالا سنووری بارینه‌ و سه‌قایێ وێ ده‌ڤه‌رێ گه‌له‌ك ساربوویه‌ و گۆت: “د ئه‌ڤ ساله‌ دا، هه‌تا نوكه‌ 133 ملیمێن بارانێ ژی ل سه‌نته‌رێ ناحیا كانی ماسێ بارینه‌”.

کۆمێنتا تە