نێزیكی 100% رێژەیا هاتنا گەشتیاران بۆ دهۆكێ زێدەبوویە
دهۆك، لەزگین جوقی:
پەیڤدارێ رێڤەبەریا گشتی یا گەشتوگوزارا پارێزگەها دهۆكێ دیار كر، د كابینەیا نەهێ یا حكومەتا هەرێمێ دا رێژەیا گەشتیاران پتر ژ 99% ل دهۆكێ زێدەبوویە و چەندین پڕۆژەیێن گرنگ یێن گەشتیاری ل دهۆكێ هاتینە چێكرن و بووینە ئەگەر پتر گەشتیار قەستا دهۆكێ بكەن.
شەمال جەعفەر، پەیڤدارێ رێڤەبەریا گشتی یا گەشتوگوزارا پارێزگەها دهۆكێ بۆ ئەڤرۆ خویا كر، حكومەتا هەرێما كوردستانێ گەلەك گرنگی ب كەرتێ گەشتوگوزارا دهۆكێ دایە و گۆت: «نوكە چەندین پڕۆژەیێن گەشتیاری د قووناغێن چێكرنێ دانە و ل نزیك دێ كەڤنە د خزمەتا گەشتیاران دا، رێژەیا گەشتیاران بۆ دهۆكێ و جهێن گەشتوگوزاری گەلەك زێدەبوویە».
گۆتژی: «هەمی جهێن گەشتیاری و هۆتێل و مۆتێل و خوارنگەه د خزمەتا گەشتیاران دانە و رێژەكا باش یا گەشتیاران چووینە هۆتێل و مۆتێلان ل دهۆكێ و گەلەك ب باشی خزمەتا هەمی گەشتیاران هاتیە كرن».
