نێزیكی 150 هزار فەرمانبەران دێ پارچەیێن ئەردی وەرگرن
زنار تۆڤی:
رێڤەبەرێ یاسایی ل وەزارەتا باژێرڤانی و گەشتوگوزارێ ل حكومەتا هەرێما كوردستانێ دیار كر، ناڤێن نێزیكی 150 هزار فەرمانبەران بۆ وەرگرتنا پارچەیێن ئەردی دێ بۆ سەرۆكاتییا جڤاتا وەزیران هێنە هنارتن.
سەربەست مەولوود، زێدەتر بۆ رۆژناما ئەڤرۆ گۆت: «هەتا نوكە هووربینی بۆ ناڤێن نێزیكی 150 هزار فەرمانبەرێن فۆڕم بۆ وەرگرتنا پارچەیێن ئەردی پڕكرین، هاتیە كرن و بڕیارە ل ڤان رۆژان ب نڤیسارەكا فەرمی لیستا ناڤێن 150 هزار فەرمانبەران بۆ سەرۆكاتییا جڤاتا وەزیران بهێتە هنارتن، داكو بهێنە پەسەند كرن».
گۆتژی: «ئەم پێشبینی دكەین ل دەمەكێ نێزیك سەرۆكاتییا جڤاتا وەزیران لیستا ناڤێن ئەوان 150 هزار فەرمانبەران، كو یێن هەر چار پارێزگەهـ و ئیدارێن سەربخۆ و هەموو وەزارەت و فەرمانگەهێن حكومەتێ تێدانە پەسەند بكەت و ڤەگەڕینیتەڤە بۆ وەزارەتا باژێرڤانی و گەشتوگوزارێ، داكو بكەڤیتە د بیاڤێ بجهئینانێ دا».
