نێزیكی 700 هزار گەشتیاران سەرەدانا جهێن گەشتیاری یێن هەرێمێ كریە
هەولێر، قائید میرۆ:
پەیڤدارێ دەستەیا گەشتوگوزارا هەرێما كوردستانێ ئاشكرا كر، د دەمێ شەش رۆژان دا نێزیكی 700 هزار گەشتیاران سەرەدانا جهێن گەشتیاری ل هەرێما كوردستانێ كریە و حوكمەتا هەرێما كوردستانێ بەردەوام كار بۆ زێدەكرنا هەژمارا هاتنا گەشتیاران دكەت ب رێیا ئەنجامدانا پڕۆژە و چالاكیێن گەشتیاری.
ئیبراهیم عەبدولحەمید، پەیڤدارێ دەستەیا گەشتوگوزارێ بۆ رۆژناما ئەڤرۆ دیار كر، د دەمێ شەش رۆژان دا و د بهێنڤەدانا جەژنا قوربانێ دا نێزیكی 700 هزار گەشتیاران سەرەدانا جهێن گەشتیاری یێن هەرێما كوردستانێ كریە و گەشتیارێن ناڤخوەیا هەرێما كوردستانێ و دەڤەرێن ئیراقێ و دەرڤە ژی تێدا هەبوون و گۆت: «دەستەیا گەشتوگوزارێ پلان هەیە هاتنا گەشتیاران زێدە بكەت د سالێن بهێن دا و سالانە ژی رێژەیا هاتنا گەشتیاران بۆ هەرێما كوردستانێ د زێدەبوونێ دایە».
ئیبراهیم عەبدولحەمید گۆتژی: «چەندین كۆمپانی كارێ ئینانا گەشتیاران دكەن بۆ هەرێما كوردستانێ و بەردەوام بزاڤ دهێنە كرن بۆ مانەڤا گەشتیاران ئەو ژی د چارچوڤێ پلانێن حوكمەتا هەرێما كوردستانێ و دەستەیا گەشتوگوزارێ دا، چالاكیێن جوراوجۆر دهێنە ئەنجامدان بۆ راكێشانا گەشتیاران و مانا وان ل جهێن گەشتیاری».
