نێزیکی دوسەد گوللەیێن توپ و هاونان ل ناحیا سەرسنکی دهێنە دیتن
ئەڤرۆ نیوز، مەحمود نهێلی:
ل دەمێ هەل کولانا جهەکی ل گوندێ کانیا یێ سەر ب ناحیا سەرسنکی کوگەهەکا گولەتوپ و گولێن هاوانان دهێتە دیتن.
مەسعود مەلا شەفیق رێڤەبەرێ رێڤەبەریا کاروبارێن مینان ل دهۆکێ بۆ ئەڤرۆ نیوز دیار کر کو ئەڤ جهە ژلایێ تیمەکا رێڤەبەریا کاروبارێن مینان ل دهوکێ دهاتە هەلکولان و دیار بوویە کوگەهەکا تەقەمەنیانە و نێزیکی دووسەد گولەیێن توپ و هاونان دناڤ دا بوونە.
و گۆت: (ئەڤ کوگەهە یا سەردەمێ لەشکەرێ رژێما عیراقێ یا بەرێ یە و دیارە ئەڤ جهە بنگەهەکی سەر بازی بوویە ل وی سەر دەمی).
و دیار کر، تیما کاروبارێن مین و تەقەمەنیا بەردەوامە ل سەر لێگەریانێ ل پەی پاشماوە و ئەو تەقەمەنیێن دناڤ داماین بو وێ یەکی بهێنە ژناڤبرن و نەبنە مەترسی ل سەر ژیانا خەلکی دەڤەرێ.
