نێزیکی دەهـ بەرھەمێن خەلیل باکۆزی ھێشتا نە ھاتینە بەلاڤکرن
ئەڤرۆ، ھەرھین محەمەد:
بیرھات گەرماڤی، سترانبێژێ کوچکو دیوانان، د دیدارەکێ دا بۆ ئەڤرۆ دیارکر کو د بەرنامێ وی دایە ژبۆ جەژنا نەورۆزێ سترانەکا کوکتێل ژ سترانێن ھونەرمەندێ خودێ ژێرازی خەلیل باکۆزی بەلاڤ کەت
ناڤبری گۆت: ل سالێن ھەشتێان خەلیل باکۆزی پەستە نە دگۆتن، بەلێ ل ڤێ دووماھیێ ئەز مامە پێڤە د گۆتن و ئەز زارڤەکرنا چو سترانبێژێن دی ناکەم ژبلی باکۆزی، بەلێ دشێم وەکو خوە ژی سترانا بێژم، دیسان ھندەک ستراننێن دی ژی بێژم و دەنگێ خوە وەکو یێ خەلیلی لێبکەم و بەری ڤان کاودانا دچووم دەوات و سبەحیا و روینشتنا، ژ بەرکو خەلک گەلەک حەزژ دەنگی َخەلیل باکۆزی دکەن و دەنگێ من ژی گەلەک یێ نێزکی وی یە و خەلیل باکۆزی دگۆتژی من دیتیە دو کەس وەکو ئێک، بەلێ من نەدیتیە دو دەنگ وەکو ئێک و دگۆتە من گەلەک کەسان زارڤەکرنا من کریە، بەلێ دەنگێ تە ژ ھەموویان نێزیکترە.
بیرھاتی ئەو چەندە ژی ئاشکەراکر کو نێزیکی دەە بەرھەمێن خەلیل باکۆزی ل دەف وی نە و ب تایبەت بۆ وی گۆتینە و ھێشتا نەھاتینە بەلاڤکرن، بەلێ وی نوکە ل بەرنینە وان بەرھەمان بەلاڤ بکەت
ل دووماھیێ گۆت: خەلیلێ ھەموو دەمان شیرەت ل من دکرن و دەستخوەشی ل من دکر کو زارڤەکرنا وی دکەم و دگۆت گەلەک باشە تو وەکو من سترانا دبێژی و ھەکە ئەز ب مرم ژی دا ئەڤ دەنگە بەرزە نە بیت ھەر یێ زیندی بیت
