نێزیکی سەد رۆژنامەڤان ل غەزە هاتینە کوشتن
رێکخستنا رۆژنامه‌ڤانێن بێ سنۆر د داخۆیانیه‌کێ د راگەهاند هەر ژ رۆژا دەستپێکرنا شەڕێ د ناڤبەرا حەماسێ و ئسرائیلێ دا هەتا نها ٩٩ رۆژنامەڤان هاتینە کوشتن و ئەو یەک تاوانەکا گەلەک مەزنە دەرحق رۆژنامەڤانان دهێتە کرن، ژ بەر ڤێ یەکێ ژی ئەو داخواز ژ دادگەها تاوانان یا نێڤدەولەتی دکەن دەست ب ڤەکۆلینان ل دۆر کوشتنا رۆژنامەڤانان ل غەزە بکەت، کوشتنا هژمارەکا وەسا مەزن یا رۆژنامەڤانان تاوانەکا گەلەک مەزنە و ئەو یەک ب چو رەنگەکێ ناهێتە قەبوول کرن، مخابن سازیێن راگەهاندنێ ژی وەکو پێدڤی سەبارەت ب کوشتنا رۆژنامەڤانان خوەدان هەلوەست نینن، دڤێت رێ نەهێتە دان کوشتنا رۆژنامەڤانان وەکو تشتەکێ ئاسایی بهێتە دیتن.
کریستۆف دیلۆری سکرتێرێ گشتی یێ رێکخستنا رۆژنامه‌ڤانێن بێ سنور ئەو یەک ژی دیار کر وان هەتا نها هەموو بەلگێن سەبارەت ب کوشتنا رۆژنامه‌ڤانان بۆ دادگه‌ها سزایێن گران یا نێڤده‌وله‌تی فرێکرینە و گۆت: (هێزێن ئسرائیلێ و چەکدارێن حەماسێ چو جوداهیەکێ د ناڤبەرا رۆژنامەڤانان و چەکداران دا ناکەن، کوشتنا رێژەیەکا مەزن یا رۆژنامەڤانان ژی نیشا ددەت رێز ل کارێ رۆژنامەڤانان ناهێتە گرتن).
