نێچيرڤان بارزانى دێ مه‌زنترين ياريگه‌ها كوردستانێ ل زاخۆ ڤه‌كه‌ت
ئه‌ڤرۆ نيوز:
پشتی ب دوماھی ھاتنا یاریگەھا زاخۆ یا نێڤدەولەتی بریارە ئەڤرۆ ب ئامادەبونا سەرۆکێ حکومەتا ھەرێما کوردستانێ نێجێرڤان بارزانێ مەزنترین پرۆژێ سالا ٢٠١٥ ل باژیرێ زاخۆ بھێتە ڤەکرن ئەوێ بیست ملیون دولار لێ ھاتینە مەزاختن، کو ئەف یاریگەھە دھێتە ھژمارتن مەزنترین یاریگەھا تەپا پێ ل ھەرێما کوردستانێ و درەیورەسمێن ڤەکرنا یاریگەھا زاخۆ دا دێ یاریەکا ھەڤالینی دناڤبەرا ھەلبژارتیێ عیراقێ و یانا زاخۆ ل دەمژمێر ھەشتێ شەڤێ ھێتە کرن.
ردوان نازی ھاریکارێ راھینەرێ یانا زاخۆ ل دۆر بەرھەڤیا تێما زاخۆ دبێژیت: دێ یاریا سەرکەفتنێ دگەل ھەلبژارتیێ عیراقێ کەین و مە بەرھەڤیەکا باش بۆ ڤێ یاریێ کریە و کەمپەکا راھێنانێ دانابۆ و یاریگەرین باش داخوازکرینە ژ ھەمێ باژێرێن کوردستانێ و دێ یاریێ کەین بو دل خوشکرنا جەماوەرێ زاخۆ و کوردستانێ.
ژلایەکێ دووڤە حەکیم حەجی قادر ئێک ژوان کەسێن بەردەوام دووڤچونا تەپا پێ یا زاخۆ دکەت دبێژیت: ھەلبژارتیێ عیراقێ نە تێمەکا ب ساناھی یە کو زاخۆ ھەڤرکیێ ل گەل بکەت، لێ ب دیتنامن زاخۆ دێ شێت ئاستەکێ پێشکیش بکەت چونکو یاریکەرین زاخۆ ژ ھەمو یانیێن کوردستانێ نە و دەلیڤە یە بۆ وان یاریکەرا شیانێت خوە بۆ راھینەرێ ھەلبژارتیێ عیراقی ئەکرم سەلمانی دیاربکەن و ژلایەکێ دووڤە ب دیتنا ئەف یاریە دێ بێتە مەزنترین یاری ل عیراقێ ھاتیە کرن کو تێدا جەماوەرکێ مەزن ئامادەبیت و ئامادەبونا جەماوەری پالدەرە بۆ یانا زاخۆ .