نێچیرڤان بارزانى:حه‌شدا شه‌عبى ل شنگالێ پابه‌ند نەبوویە ب رێككه‌فتنان
ئەڤرۆ نیۆز،زنار تۆڤی:
نێچیرڤان بارزانی سەرۆكێ حوکمەتا هەرێما کوردستانێ راگەهاندیە:قوناغەکا نوو یا پەیوەندیان دناڤبەرا هەولێر و موسکۆ دا دەستپێکریە.
نێچیرڤان بارزانی گۆتیە:مە رێککەفتن ل گەڵ رووس نەفت نەکریە، بەڵکو مە چەند یاداشتەکێن لێکتێگەهشتنێ ل گەڵ رووس نەفت واژوو کرینە و پشتی دانوستاندنان ل چەند رۆژێن داهاتی دا دێ هێتە ئەنجامدان و دێ رێککەفتنێ واژوو کەین.
دەربارەی حەشدا شەعبی ل شنگالێ نێچیرڤان بارزانی گۆتیە: ئەو پابەندی رێککەفتنێ نەبووینە و دڤێت حوكمه‌تا عێراقێ و هێزێن ئه‌منی یێن عێراقێ ب هەڤبه‌شى ل گه‌ڵ پێشمه‌رگەی پرۆسا سه‌ربازى دڤێ دەڤەرێ دا ئه‌نجامدابا، به‌لێ ئه‌و پابه‌ند نه‌بوون.
هه‌روه‌سا گوتیە: پێدڤیە هەماهەنگی و هەڤکاریەکا زێدەتر بهێتەکرن،بۆ ڤێ مەبەستێ گفتۆگۆیەکا زێدەتر پێدڤیە.
سەبارەت هەبوونا په‌كه‌كێ ل شنگالێ نێچیرڤان بارزانى دیارکر،هەبوونا په‌كه‌كێ ل شنگالێ ژێدەرێ نەسه‌قامگیریێ یە و دڤێت په‌كه‌كه ل وێ ناوچێ نه‌مینیت و شنگالێ چۆڵ بكەت.
