نێچیرڤان كه‌لاری:داخوازیێن قوتابیان دێ وه‌كی خۆ هێنه بجه ئینان
هه‌ولێر، قائید میرۆ:
پشتی بڕیارا سه‌رۆكێ حكومه‌تا هه‌رێما كوردستانێ بڕیاره میكانزمه‌ك بۆ هاریكاریا قوتابیێن كێم ده‌رامه‌ت بهێته دیتن وسكرتێرێ ئێكه‌تیا قوتابیێن كوردستانێ ژی ئاماژه‌كر، سه‌رۆكێ حوكمه‌تا هه‌رێما كوردستانێ به‌رسڤا قوتابیێن زانكۆ په‌یمانگه‌هان دایه، به‌لێ هندك ده‌ستێن سیاسی لپشت خۆه نیشاندانێن قوتابیانن و خۆنیشاندان و نه‌رازیبوونێن قوتابیان بۆ مه‌ره‌مێن سیاسی تێنه بكارئینان.
نێچیرڤان كه‌لاری، سكرتێرێ ئێكه‌تیا قوتابیێن كوردستانێ بۆ رۆژناما ئه‌ڤرۆ دیاركركو بابه‌تێ داخوازیێن قوتابیان گه‌هشتیه سه‌رۆكێ حكومه‌تا هه‌رێما كوردستانێ ئێكسه‌ر سه‌رۆكێ حوكمه‌تێ بخۆ هاته سه‌ر خه‌ت و لگه‌ل قوتابیان كۆمبوو سه‌ره‌دانا پشكێن نافخۆیی كر، هه‌روه‌سا لگه‌ل هه‌موو سه‌رۆكێن زانكۆیان كۆمبوو تێدا به‌حسێ چاره‌سه‌ركرنا ئاریشه‌یێن قوتابیان هاته‌كرن، ئیراده‌یا سه‌رۆكێ حكومه‌تێ بۆ چاره‌سه‌ركرنا ئاریشا قوتابیان بته‌مامی گه‌هشتیه هه‌موو قوتابیان و هه‌تا راده‌یه‌كێ زۆر هاتیه چاره‌سه‌ركرن، بودجه‌یه‌ك بۆ وه‌زاره‌تا خواندنا بلند و ڤه‌كۆلینێن زانستی هاتیه مه‌زاختن و سۆزدایه ئیدی حكومه‌ت زێده‌تر دێ پشته‌ڤانیا داخوازیێن قوتابیان بكه‌ت، نوكه وه‌زاره‌تا خواندنا بلند مژۆلی هویرده‌كاریانه هه‌تا ئه‌و بودجێ هاتیه مه‌زاختن ژلایێ سه‌رۆكێ حكومه‌تێ بهێته مه‌زاختن بۆ تژیكرنا ئه‌ڤان داخوازیێن قوتابیان هه‌نه و ل رۆژا سێ شه‌مبی ژی سه‌رۆكێ حكومه‌تا هه‌رێما كوردستانێ بودجه‌یه‌كێ دیژی بۆ قوتابیان و بابه‌تێ خواندنێ مه‌زاختیه و حكومه‌ت دێ به‌رده‌وام بیت ل سه‌ر چاره‌سه‌ركرنا ئاریشه‌یێن كه‌رتێ خواندنێ ل هه‌موو زانكۆ په‌یمانگه‌هان ل سه‌رانسه‌ری هه‌رێما كوردستانێ.
سكرتێرێ ئێكه‌تیا قوتابیان گۆتژی: مه چه‌ندین پڕۆژه هه‌بووینه بۆ چاره‌سه‌كرنا ئاریشه‌یێن قوتابیان و پێشڤه‌برنا كه‌رتێ خواندنێ ل هه‌رێما كوردستانێ و راسته كێماسی هه‌نه ل زانكۆ په‌یمانگه‌هان پشكێن نافخۆیی وه‌ك پێدڤی خزمه‌ت گوزاری نینه ئاست و كوالێتیا خواندنێ دابینكرنا هه‌موو پێدڤیه‌كێ بۆ قوتابی ئه‌ركێ حكومه‌تێ یه، به‌لێ هه‌موو داخوازی ئێك رۆژدا ناهێنه بجه ئینان، مه‌سروور بارزانی پشتی سه‌ره‌دانا دو پشكێن نافخۆیی كری نێزیك ئاگه‌هداری ره‌وشا قوتابیان بوویه و ئه‌و بخۆ یێ دلگرانه ب ره‌وشا قوتابیان، ئه‌ز باوه‌رم هه‌ر تشته‌كێ ل ده‌ست بهێت و دشیاندابیت دێ زووترین ده‌م بڕیار ل سه‌ر هێته‌دان بۆ قوتابیان بهێته دابین كرن، چونكو ئه‌م ته‌مام كارێن ئێكین و ئه‌م هه‌موو دگه‌ل داخوازی و ئاریشه‌یێن قوتابیانین كه‌س نه‌گۆتیه قوتابی ل سه‌ر ماف نینه بۆ داخوازیێن خۆ، به‌لێ نابیت گه‌هاندنا په‌یاما قوتابیان ببیته ئه‌گه‌ره‌ك ئالۆزی په‌یداببن، یان ژی هنده‌ك لایه‌نێن سیاسی داخوازیێن خۆه تێكه‌لی داخوازیێن قوتابیان بكه‌ن و بچنه ناڤا خۆنیشاندانان بۆ ڤێ چه‌ندێ ب به‌هانه‌یا قوتابیان په‌یامێن سیاسی بگه‌هینن.
ئاماژه‌ژی كر هه‌ر لڤینه‌كادی بهێته‌كرن و خۆنیشاندان بهێنه كرن، ئه‌ڤه راسته‌وخۆ بۆ مه‌رمێن سیاسی قوتابی دهێنه بكارئینان و لایه‌نێن سیاسی بۆ ته‌فسیه‌كرنا حسابێن ئێك قوتابی كرینه به‌هانه، ل خۆنیشاندانێن بۆری ژی قوتابی كرینه كه‌ره‌سته، له‌ورا داخوازێ ل هه‌موو قوتابیان دكه‌ین هشیاربن ده‌ستێن سیاسی تێكه‌لی داخوازیێن وان نه‌هێنه‌كرن و په‌یاما وان وه‌ك خۆ گه‌هشتیه لایه‌نێن په‌یوه‌ندیدار و سه‌رۆكایه‌تیا حكومه‌تێ، قوتابیان داخوازیه‌ك هه‌بوویه ل حكومه‌تێ و په‌یاما وانا گه‌هشتیه ئیدی نوكه هێدی هێدی كار بۆ بجه ئینانا داخوازیێن دهێته‌كرن، چه‌ندی شیانێن حوكمه‌تێ دا هه‌بیت دێ پاره بۆ قوتابی و وه‌زاره‌تا خواندنا بلند هێته مه‌زاخستن، په‌یاما حوكمه‌تێ یا ئاشكرایه و حوكمه‌تێ بابێ هه‌موو قوتابیه‌كیه، ئه‌گه‌ر قه‌یرانا دارایی نه‌بیت ئه‌ڤه دێ مینحه‌ژی بۆ قوتابیان هێته ڤه‌گه‌راندن، ئه‌و پارێ بۆ وه‌زاره‌تا خواندنا بلند هاتیه مه‌زاخستن ژبلی تژیكرنا هنده‌ك پێدڤیێن قوتابیان دێ هاریكاریه‌كا مادی ژی بۆ قوتابیان هه‌بیت، ب تایبه‌تی قۆناغا ئێكێ دێ هاریكاریێن مادی بۆ قوتابیێن هه‌ژار و كێم ده‌رامه‌ت هێته‌كرن ئه‌ڤه ژی پشتی پێداچوونێ و ده‌ركرنا رێنمایان.
