نێچیرڤـان بـارزانـی و بـافـل ل میۆنشن و مسرۆر بـارزانـی و قـوبـاد ل دوبەی
نزار بنیامێن رێكانی
پشكداری یا سەرۆكێ هەرێما كوردستانێ رێزدار نێچیرڤان بارزانی و بافل تالەبانی سەرۆكێ ئێكەتی یا نیشتیمانی یا كوردستانێ د كۆنفرانسێ ئاسائیشێ ل میۆنشن – ئەلمانیا و هەر وەسا پشكداری یا سەرۆكێ حوكمەتا هەرێما كوردستانێ رێزدار مسرۆر بارزانی و قوباد تالەبانی جێگرێ سەرۆكێ حوكمەتێ د لوتكەیا جیهانی یا حوكمەتان ل دوبەی – ئیمارات، ئەڤ پشكداری یە نیشانەیا ب هێزا پێگەهێ هەرێما كوردستانێ یە ل جیهانێ ژلایەكی ڤە و هەروەسا چوونا شاندێ حوكمەتێ ب سەرۆكایەتیا سەرۆكێ ئەنجومەنی وەزیران و جێگرێ و ی بو دوبەی ب ڤێكرا ئەڤەژی نیشانا هندێ یە كو نێزیك بونەك و لێك تێگەهشتنەكا باش یا هەی ژبۆ پێكئینانا كابینەیا دەهێ یا حوكمەتا هەرێما كوردستانێ، ئەڤە ژی ژ لایەكێ دی ڤە، لەورا فەر و پێدڤییە ئەم كورد د هەر دەمەكی و هەر جهەكی د ئێكگرتی بن ژبەر كو هەردەما ئەم د سەركەفتی و خودان دەستكەفتی بووینە ل وی دەمی ئەم د ئێكگرتی بووینە و بەروڤاژی ڤێ چەندێ ئەم شكەستی و خوسارەت بووینە، لەورا یا فەرە و پێدڤیە ئەم پتر ژ هەردەمەكی د ئێكگرتی بین، نەخاسمە ل ڤی دەمی ژبەركو جیهان و دەڤەر یا دگوهۆرینێن بلەز دا دبۆریت و دڤێت ئەم خۆ حازركەین داكو یا مەبڤێت بدەست مە ڤە بهێت و ئەم ژی وەكی هەر نەتەوەیەكی ل جیهانێ ببینە خودان قەوارەكێ سەربەخۆ، ئەوژی دەولەتبوونە و ناكۆكییان بدەینە رەخەكی و بەرژەوەندییا گشتی و نەتەوەیی لسەر بەرژەوەندیێن تایبەت پێخین، راستە مە گەلەك كێماسی و ناكۆكی د گەل ئێكدو هەنە، لێ ئەڤە وێ چەندێ ناگەهینیت كو ئەم د لاوازین، لێ خالێن بهێز پترن ژ خالێن لاواز و ناكۆك و قۆناغێن سەخت و دژوار مە دەربازكرینە و مە ل بەرسینگێ چەندین ئالنگاریار گرتیە و تێدا بسەركەفتینە و ئەم یێن بەرەڤ قۆناغا دوماهیێ ڤە دچین و دێ گەهینە ئارمانجێ بتنێ ئەگەر ئێك هەلوەست و ئێك دەست و ئێك بریار بین لسەر پرسێن نەتەوەیی و نیشتیمانی، هیڤییا مە ئەوە مفایی ژ رابردووی وەربگرین و جارەكا دی نەزڤرینە خالا سفرێ.
