نێچیرڤـان بـارزانـی پیرۆزباهییا سعۆدیێ كر
سەرۆكێ هەرێما كوردستانێ نێجیرڤان بارزانی برووسكەکا پیرۆزباهیێ ئاراستەیی شاهێ سعۆدیێ كر ب هەلكەفتا ب دەستڤە ئینانا مێڤاندارییا قارەمانییا جیهانێ یا فوتبۆلێ موندیالا 2034ێ.
د نڤێسارا خوە یا پیرۆزباهیێ د تۆڕا ئێكس یا كۆمەلایەتی دا سەرۆكێ هەرێما كوردستانێ گۆت: گەرمترین پیرۆزباهیێ ل پارێزەرێ هەردو جهێن پیرۆز شاهێ سعۆدیێ سەلمان بن عەبددولعەزیز و هەموو خەلكێ سعۆدیێ دكەن ب هەلكەفتا وەرگرتنا مێڤاندارییا كۆپا جیهانی موندیالا 2034 یا فوتبۆلێ، ئەڤچەندە ژی پشتی بزاڤێن بەردەوام یێن شازادێ جهنشینێ سعۆدیێ میر محەمەد بن سەلمان پێخەمەت وەرگرتنا ڤێ مێڤانداریێ.
بۆ زانین فدراسیۆنا فوتبۆلا جیهانێ فیفا ل حەفتییا بۆری ب فەرمی وەلاتێ سعۆدیێ بەربژاركر بۆ مێڤاندارییا موندیالا 2034ێ پشتی رازیبوون ل سەر بادەكا وێ هاتییە كرن.
