نێڤدەولەتییا شانۆیا سەرجادەیێ ل كەركووكێ دێ هێتە گێڕان
زنار تۆڤی:
شانۆڤان (نەژاد نەجم) سەرۆكێ فەستیڤالا نێڤدەولەتیا شانۆیا سەرجادێ ل كەركووكێ، د دیدارەكێ دا بۆ رۆژناما ئەڤرۆ گۆت: هەتا نوكە من كارێ دەرهێنانێ بۆ پتری 35 شانۆگەریان كرییە، د هەمان دەمدا نوكە دا گرۆپێ شانۆیا هەوار ئێكە ژ گرۆپێن ناڤدار ل كوردستانێ و وەلاتێن عەرەبی ژی و پتری 20 شانۆكاران تێدا پشكدارن.
ناڤهاتی گۆت: مە كارێن شانۆیێ ل عیراقێ و ل وەلاتێن ئوردنێ و توركیا و ئیرانێ و تونسێ و لوبنانێ و پرانییا وەلاتێن عەرەبی ئەنجامداینە، چەندین جاران مە خەلاتێن زێری و خەلاتێن گران بها ب دەستڤەئیناینە، هەروەسا گەرا هەشتێ یا فەستیڤالا نێڤدەولەتیا شانۆیا سەرجادێ ل كەركووكێ، پشتی هەشت سالێن ل سەر ئێك نوكە قووناغەكا باش دەربازكریە، ل سەر ئاستێ جیهانێ ژی ئێكە ژ فیستەڤالێن هەرە باش، ژ لایێ كوالێتیێ ڤە د ئاستەكێ بلند دایە، سالانە
دناڤبەرا(20_25) كارێن شانۆیێ دناڤا ڤێ فیستەڤالێ دا دهێنە ئەنجامدان، ئەڤ سالە 80 كارێن شانۆیی گەهشتبوونە لژنا فەستیڤالێ، بەلێ مە 20 شانۆ هەلبژارتن.
