نەبونا گولچیەکێ باش دی مەترسی و ئاریشان بۆ زاخۆ دروستکەت
ئه‌ڤرۆ:
وەکو دھێتە زانین گولچی نێڤا تێمێ یە دھەر خولەکێ دا، ب تایبەتی ھەکە یانەکێ بڤێت ئەنجامین خوە باش بکەت یان ھەڤرکیا رێزین بەراھیێ بکەت و یانا زاخۆ ئەف سالە گەلەک ھەڤبەستێن ب بھا بۆ تێما خولا نایابا عیراقی ئیمزاکرن و ھەتا نوکە نەشیایە گولچیەکێ باش پەیدابکەت و ل قوناغا ئێکی ئاریشا نەبونا گولچی ھەبوو و نیڤا ئەنجامێن لاواز بو ڤێ چەندێ دھێنە ڤەگەراندن و ڤی بابەتی بوچون و گوتنێن جودا دروستکرینە.
ل دەستپێکێ عەدنان خیرولا راھێنەرێ تێما پێگەھشتیێن یانا زاخۆ دبێژیت: گولچی ٥٠ % یە بۆ ھەر تێمەکێ و ھەر تیمەکا بڤێت ھەڤرکیێ بکەت دڤێت نە ب تنێ گولچیەکی باش ھەبت بەلکو سێ گولچی ھەبن، چونکو ھەردەمێ گولچی توشی ھنگافتنێ دبیت سستی دکەڤیتە د ناڤا تیمێ و ژلایەکێ دووڤە گەلەک جارا ھەکە ھژمارەکا گولچیێن باش ھەبن ھەڤرکی پەیدا دبیت و جاران گولچیێ یەدەک شیایە ب ئاستێ خوە ببیتە یێ سەرەکی و چەندی ھێرشبەر و یاریکەرێن ھێلا ناڤین خوە ماندی بکەن و گولا توماربکەن ھەکە ب ساناھی گول ل سەر ھاتە تومارکرن چو مفایێ خوە نینە و زاخۆ ھەتا نوکە شیایە نیڤەکا تێمێ بگوھورت بتنێ گولچی نە ئینایە و گەھشتە وێ رادێ یێ خولا ھەرێمێ سەرخستینە خولا عیراقی.
ژلایێ خوەڤە ئێسماعیل عەبدولقادر ئێک ژ پشتەڤان و جەماوەرێ یانا زاخۆ دبێژیت: پێدڤیە کارگێریا یانێ گڤاشتنێ ل سەر راھێنەرێ گولچیا کربا بو ئینان و دیتنا ئێکێ باش و رولی بدەتە گولچیێن کورد د خولا عیراقێ.
عبد حەلاق ئێک ژ وان کەسێن بەردەوام دووڤچونا تەپا پێ یا زاخۆ دکەت دبێژیت: نەبونا گولچیەکێ شارەزا دێ قوناغا دویێ یا ب مەترسی بیت و ئاریشە بو یانێ دروست بن و کارگێریا یانێ گڤاشتن ل سەر دەستەیا راھێنانێ بو پەیداکرنا گولچیەکێ باش کریانە.
