نەبوونا ئامیرێ (ATM) ئاریشە بۆ فەرمانبەرێن ئامێدیێ دروستكرینە
ئامێدیێ، مەحمود
ژ ئەگەرێ نەبوونا ئامیرێن راكێشانا پارەی (ATM) جارەكا پێدڤیە ماموستا و فەرمانبەرێن سنوورێ دڤەردارییا ئامێدیێ بچنە دهۆكێ یان ژی بلێ ل دەڤەرا بارزان بۆ وەرگرتنا موچەیێ خوە یێ هەیڤا ئێك.
هژمارەكا ماموستایان بۆ رۆژناما ئەڤرۆ و دیار كریە، ژ بەر نەبوونا ئامیرێ ئەی تی ئێم دڤێت ئەو 20 هزارا ب مەزێخن و بچنە دهۆكێ یان ژی بلێ تا كو موچەیێ خوە وەربگرن، ژبەر كو ئامیرێ ئەی تیم یێ بانكا جیهان ل چ جهەكی دەڤەرا ئامێدیێ نەهاتیە دانان.
ماموستا سەروان رەشاڤەی بۆ رۆژناما ئەڤرۆ گۆت: ئەڤە چوار هەیڤە ئەو موچێ خوە ب رێكا ئامیرێ ئەی تی ئێم وەردگریت، لێ مخابن ئەڤ ئامیرە ل دەڤەرا ئامێدیێ هەموویێ نەهاتیە دانان و ئەو دچیتە دهۆكێ موچێ خوە وەردگریت.
فەرمانبەرەكی دی یێ ئاكنجی ل ناوچەدارییا دێرەلۆك دیار كر، ئەڤە هەیڤا دوویێ یە ئەو ب رێكا ئامیرێ ئەی تی ئێم موچەی وەردگریت، لێ ب مخابنی ڤە تا نوكە ئەڤ ئامیرە ل دێرەلۆكێ نەهاتیە دانان.
دهێتە زانین ل دەڤەرا ئامێدیێ هیچ ئامیرەكی ئەی تی ئێم یێ بانكا جیهان نەهاتیە دانان ب تنێ ئامیری ئارتی بانك هەی ئەو ژی ب تنێ ل سێ جهان و ژ بەر وێ یەكی ژی ئاریشە بۆ موچە خۆران دروستكریە.
رێبەر سادق رێڤەبەرێ ناوچەیداریا دێرەلوكێ بۆ رۆژنامەیا ئەڤرۆ خویا كر، دووڤچوونێن وان د ڤی واری دا د بەردەوامن و گۆت: مە ژ ئالیێ خوە ڤە هەول داینە ئامیرەیێن (ATM) ل سنورێ ناحیا مە ژی بهێنە دانان وەك كارئاسانیەك بۆ خەلكێ ناوچەیێ بۆ هندێ بكارن ل ناوچەیا خوە و نێزیكی مالێن خوە موچەییێن خوە وەربگرن.
