نەبوونا كاری هۆكارێ سەرەكیێ هەژاری و لاوازبوونا ئیرادا گەنجێ كوردە
سولین سلێمان:
بێكاری ئێك ژ ئاریشێن هەرە سەرەكیێن هەموو میللەتێن جیهانێ یە و هەموو وەلات ژبەر دنالن، هەر وەلاتەكی رێژا بێكاریێ ب رەنگەكێ جودا دناڤدا هەیە، كوردستان وەك نموونە، ڕێژەكا بەرچاڤ ژ گەنجێن مە یێن كورد نوكە چ كار نینن بكەن یان ژ خۆ ناگرن هەمی كاران بكەن، هەردوو هزر ژی نەخۆشی نە.
ماموستا رەیان عەبدولقەهار دەربارێ ڤێ چەندێ بۆ رۆژناما ئەڤرۆ گۆت ”هەر كەسەكی ژ بۆ پەیداكرنا داهەتەكی ژ بۆ ژیانا خۆ پێدڤی ب كارەكی هەیە، نۆكە وەكی دهێتە دیتن بێكاری ل كوردستانێ دەڤ گەنجێن مە گەلەك زۆربۆینە، چ ئەو گەنجێن ل كۆلێژا و پەیمانگەهان دەردچن و ناهێنە دامەزراندن چ ژی ل كەرتێ گشتی یا كەرتێ تایبەت، كار ب دەسناكەڤیت.
خویاكر؛ نەبوونا كاری ل هەرێما كوردستانێ، ئێك ژ هوكارێن سەرەكیێن هەژاری و لاوازبوونا ئیرادا گەنجێ كوردە، چونكی زۆریا دەمێ گەنجێ كورد بێی هەبوونا سەرمایە و كەل و پەلێن پێدڤی دەرباز دبیت، ئەڤا ل ڤان دووماهیان ڤەدگەریتەڤە بۆ هاتنا زۆرا خەلكی ژ گۆندان بۆ باژێڕان، هەروەسا ئەو ڕێژا زۆر یا پەنابەر و كوچكریێن ژبەر شەرێ داعشێ بەرەڤ كوردستانێ هاتین، بوون ئەگەرێ هندێ كو تا ڕادەیەكێ بەرچاڤ كار ب دەست كەسێ نەكەڤیت، چونكی وان بەرامبەر پارەیەكێ زۆر یێ كێم كاردكر.
ئاماژەكر”ئێك ژ ئەگەرێن پاشكەفتنا وەلاتی وەرنەگرتنا مفایە ژ شیانێن گەنجان، لەورا ل سەر حوكمەتێ یا پێدڤیە دەلیڤێن كاری ژ بۆ گەنجێن خۆ پتر بكەت، چ ب رێیا كەرتێ گشتی یان ژی كەرتێ حكومی.
