نەتانیاهۆ دترسیت کۆدەتایەک ل دژی وی بهێتە کرن
مالپەرێ ینیت یێ ئسرائیلێ د راپۆرتەکێ دا دیار کریە، بنیامین نەتانیاهۆ سەرۆک وەزیرێن نها یێ ئسرائیلێ گەلەک ژ هندێ دترسیت د ناڤ پارتا وی دا ئانکۆ د ناڤ پارتا لیکود دا کۆدەتا ل دژی وی بهێتە کرن، چونکی گەلەک ژ سەرکردێن پارتا لیکود ژ سیاسەتا نها یا نەتانیاهۆی د رازی نینن و ئەو یەک ژی بوویە ئەگەرێ هندێ ترسەکا مەزن ل دەف وی دروست بوویە و دترسیت کۆدەتایەک ل دژی وی بهێتە کرن.
هەمان مالپەرێ ئەو یەک ژی دیار کریە، ئێرشا ڤێ دووماهیێ یا حەماسی و کوشتنا هژمارەکا زێدە یا وەلاتی و سەربازێن ئسرائیلێ وەسا کریە سەرکردێن پارتا لیکود هزر د هندێ دا بکەن نەتانیاهۆی ژ دەستهەلاتێ دوور بکەن، ئەو یەک ژی ترسەکا مەزن ل دەف سەرۆک وەزیرێن نها یێ ئسرائیلێ دروست کریە، ژ بەر ڤێ یەکێ ژی نەتانیاهۆ یێ پشتراست نینە کا دێ د چەند رۆژێن بهێت دا چ روو دەت.
