نەتانیاهۆ: دێ ب توندی بەرسڤا هەر ئێرشەکێ دەین
بنیامین نەتانیاهۆ سەرۆک وەزیرێن ئسرائیلێ راگەهاند، نها ئەو د شەرەکێ دژوار دانە و جارێ د رۆژەڤا وان دا ئاگربەست نینە، چونکی وان دڤێت دربێن کوژەک ل حەماسێ بدەن، راگەهاندنا ئاگربەستێ د رەوشا نها دا ب تەمامی د بەرژەوەندیا حەماسێ دایە و ئەو یەک ب چو رەنگەکێ ژ ئالیێ ئسرائیلێ ڤە ناهێتە قەبوولکرن، چونکی هندەک ئارمانج هەنە دڤێت بدەستڤە بهێن.
سەرۆک وەزیرێن ئسرائیلێ ئەو یەک ژی دیار کر، وەلاتێ وی بهێزە و هەر ئێرشەک ل هەر ل دەڤەرەکێ بهێتە سەر ئسرائیلێ هێزێن وان دشێن ب توندی بەرسڤێ بدەن.
ل ئالیێ دی رێکخستنا مافێن مرۆڤی یا سەر ب نەتەوەیێن ئێکگرتی جارەکا دی راگەهاند، رەوشا غەزە گەلەک خرابە و دڤێت ئاگربەست بهێتە راگەهاندن، دا ئەو بشێن هاریکاریا خەلکێ سڤیل ل غەزە بکەن، چونکی رۆژانە ژن و زارۆ و وەلاتیێن سڤیل دبنە قوربانی.
